મામાએ માયરામાં ભાણીયાને આપ્યા 1.51 કરોડ રોકડા, 1 કિલો સોનું, 15 કિલો ચાંદી, 210 વીઘા જમીન, પેટ્રોલ પંપ અને ફ્લેટ
રાજસ્થાનના નાગૌર જિલ્લાના ઝાડેલી ગામમાં એક લગ્ન સમારોહમાં પોટાલિયા પરિવારના ભાઈઓએ તેમના ભાણેજ શ્રેયાંશના લગ્ન માટે 21 કરોડ 11 લાખ રૂપિયાનું માયરૂ ચૂકવ્યું ત્યારે સમગ્ર દેશનું ધ્યાન ખેંચાયું. આ માયરૂ ફક્ત તેની ભવ્યતા માટે જ સમાચારમાં નથી, પરંતુ રાજસ્થાનની આ પરંપરાગત વિધિને એક નવા સ્તરે પણ લઈ ગઈ છે. આ ઐતિહાસિક મામેરાનો વીડિયો સોશિયલ મીડિયા પર ઝડપથી વાયરલ થઈ રહ્યો છે, જેમાં ભેટોની જાહેરાત અને ભવ્ય શોભાયાત્રાની ઝલક જોઈ શકાય છે.
માયરૂ રાજસ્થાનની સાંસ્કૃતિક ધરોહર
માયરૂ, જેને 'ભાત' તરીકે પણ ઓળખવામાં આવે છે, તે રાજસ્થાનમાં લગ્ન દરમિયાન કરવામાં આવતી એક પ્રાચીન પરંપરા છે. આ ધાર્મિક વિધિમાં, મામા પોતાની બહેનના બાળકો - ભાણેજ કે ભાણી ના લગ્નમાં રોકડ, ઘરેણાં, કપડાં, જમીન અને અન્ય કિંમતી વસ્તુઓ ભેટ તરીકે આપે છે. આ પરંપરા ફક્ત નાણાકીય સહાયનું પ્રતીક નથી, પરંતુ ભાઈ-બહેન, મામા-ભાણેજ વચ્ચેના અતૂટ પ્રેમ અને આદરને પણ પ્રતિબિંબિત કરે છે. નાગૌર જિલ્લો ખાસ કરીને આ પરંપરા માટે પ્રખ્યાત છે, જ્યાં માયરાનો ભવ્યતા ઘણીવાર રેકોર્ડ તોડી નાખે છે
21 કરોડના માયરૂ, ભાણીયાને શું શું આપ્યું
આ વખતે ઝાડેલી ગામના પોટલીયા પરિવારે માયરાને એક નવી ઊંચાઈ આપી. ભંવરલાલ પોટાલિયા, રામચંદ્ર પોટાલિયા, સુરેશ પોટાલિયા અને ડો. કરણ પોટાલિયાએ તેમની બહેનના પુત્ર શ્રેયાંશના લગ્નમાં ચાર સુટકેસમાં ભરેલા રૂ. 1.51 કરોડ રોકડા આપ્યા હતા. 1 કિલો સોનું અને 15 કિલો ચાંદી, 210 વીઘા જમીન, પેટ્રોલ પંપ અને અજમેરમાં એક ફ્લેટ, આ સાથે મામાઓએ તેમના ભાણીયને ફોર વ્હીલર કાર પણ ભેટમાં આપી. આ ઉપરાંત, બહેનના સાસરિયા પક્ષના 500 પરિવારોને 500 ચાંદીના સિક્કા પણ ભેટ તરીકે આપવામાં આવ્યા હતા. આ દહેજની કુલ કિંમત રૂ. 21 કરોડ 11 લાખ હોવાનું જણાવવામાં આવી રહ્યું છે. જેને સ્થાનિક લોકો અત્યાર સુધીનું સૌથી મોટું દહેજ માની રહ્યા છે. આ કાર્યક્રમ ખૂબ જ ધામધૂમથી 1૦૦ વાહનો અને ચાર બસોનો કાફલો મુંડવા પહોંચ્યો અને જે કોઈ શાહી શોભાયાત્રાથી ઓછો ન હતો.
સોશિયલ મિડીયા પર વાયરલ
આ ભવ્ય માયરાનો વીડિયો સોશિયલ મીડિયા પર આગની જેમ ફેલાઈ રહ્યો છે. વીડિયોમાં, એક વ્યક્તિ માઈક પર ભેટોની જાહેરાત કરતો જોવા મળે છે, જેને સાંભળીને લોકો આશ્ચર્યચકિત થઈ રહ્યા છે. કેટલાક યુઝર્સે તેને "પરંપરાગત ભવ્યતા" અને "મામા-ભાણેજના પ્રેમ"નું ઉદાહરણ ગણાવ્યું, તો કેટલાક લોકોએ તેને "ફાલતૂખર્ચ" ગણાવ્યો. એક યુઝરે લખ્યું, "આટલું બધું આપ્યા પછી લગ્નની શું જરૂર હતી?" જ્યારે બીજા એક વ્યક્તિએ પરંપરાની પ્રશંસા કરી અને તેને 'ભાત' વિધિનો એક ભાગ ગણાવ્યો. આ વીડિયોને અત્યાર સુધીમાં લાખો લોકોએ જોયો છે, અને તે ચર્ચાનું કેન્દ્ર બન્યો છે.
