નેતાઓમાં મોદીનો છે અલગ અંદાજ
ભારતનાં એક રાજકીય નેતાની કલ્પના કરીએ..તો ખાદીનો ઝભ્ભો, સલવાર અને લેધરનાં ચંપલ પહેરેલા એક વૃધ્ધ વ્યક્તિની છબી આપણા માનસપટલ પર ઉપસી આવે..પરંતુ, ગુજરાતનાં મુખ્યમંત્રી નરેન્દ્ર મોદી જૂના રાજકીય નેતાઓ કરતા કંઈ જુદી માટીનાં જ બનેલા છે. તેઓ ફેશન પસંદ છે...તેમને સારા અને અવનવા ફેશનેબલ કપડા પહેરવાનો શોખ છે જેને લીધે તેમની છબી અન્ય રાજકારણીઓ કરતા અલગ તરી આવે છે..
મોદી ક્યારેક લીનનનાં ઝભ્ભામાં તો ક્યારેક સૂટ-બુટમાં નજરે ચડે છે. તેમની આ ખાસિયતને લીધે તેઓ રાજકીય જગતમાં ફેશન આઈકોન બની ગયા છે. મોદીની સ્ટાઈલ અનોખી છે..તેઓ પ્રસંગને અનુરૃપ કપડા પહેરવાનું પસંદ કરે છે..આશ્ચર્યની વાત એ છે કે, તેમને ટ્રેડિશનલ અને વેસ્ટર્ન તમામ પ્રકારનાં કપડા સૂટ પણ થાય છે..
