14 વર્ષના વિદ્યાર્થીનું હાર્ટ એટેકથી મોત, મિત્રો સાથે ફરવા ગયો હતો
મહારાષ્ટ્રના રાયગઢ જિલ્લામાં 14 વર્ષીય મ્યુનિસિપલ સ્કૂલના વિદ્યાર્થીનું 'થીમ પાર્ક' ખાતે હાર્ટ એટેકથી મૃત્યુ થયું હતું જ્યાં તે અન્ય વિદ્યાર્થીઓ સાથે ફરવા ગયો હતો. પોલીસે બુધવારે આ જાણકારી આપી. એક પોલીસ અધિકારીએ જણાવ્યું કે આ ઘટના મંગળવારે બની જ્યારે ઘનસોલીની કોર્પોરેશન સ્કૂલના વિદ્યાર્થીઓ ખોપોલી સ્થિત 'ઇમેજિકા થીમ પાર્ક'માં ફરવા માટે ગયા હતા.
તેમણે જણાવ્યું કે પ્રવાસ દરમિયાન 8મા ધોરણનો વિદ્યાર્થી આયુષ ધર્મેન્દ્ર સિંહ બેચેની અનુભવવા લાગ્યો અને બેંચ પર બેસી ગયો અને પછી અચાનક બેહોશ થઈ ગયો. અધિકારીએ જણાવ્યું કે પાર્ક સ્ટાફ અને શિક્ષકોની મદદથી વિદ્યાર્થીને કેમ્પસના પ્રાથમિક આરોગ્ય કેન્દ્રમાં લઈ જવામાં આવ્યો.
આ પછી સિંહને ખાનગી હોસ્પિટલમાં લઈ જવામાં આવ્યા, જ્યાં ડોક્ટરોએ તેમને મૃત જાહેર કર્યા.
