China Foreign Minister India Visit: ચીનના વિદેશ મંત્રી ભારત પહોંચ્યા, દિલ્હીમાં જયશંકરને મળ્યા

China Foreign Minister India Visit:  ચીનના વિદેશ મંત્રી વાંગ યી ભારતના પ્રવાસે આવી પહોંચ્યા છે. તેઓ લગભગ 4:15 વાગ્યે નવી દિલ્હી એરપોર્ટ પર ઉતર્યા હતા. તેઓ 3 દિવસના પ્રવાસે ભારત આવ્યા છે અને પહોંચતાની સાથે જ તેમણે ભારતના વિદેશ મંત્રી એસ જયશંકરને મળ્યા.

તમને જણાવી દઈએ કે ચીનના વિદેશ મંત્રીની ભારત મુલાકાત ભારત અને ચીનના સંબંધોને સામાન્ય બનાવવા તરફ એક મોટું પગલું છે. પ્રધાનમંત્રી મોદી 31 ઓગસ્ટથી 1 સપ્ટેમ્બર 2025 દરમિયાન ચીનની મુલાકાત લેશે અને શાંઘાઈ સહયોગ સંગઠન (SCO) સમિટમાં ભાગ લેશે, તેથી તે મહત્વપૂર્ણ પણ છે.

આતંકવાદ સામે લડવાની પ્રતિબદ્ધતા વ્યક્ત કરી

ચીનના વિદેશ મંત્રી વાંગ યી સાથેની મુલાકાતમાં, ભારતના વિદેશ મંત્રી ડૉ. એસ. જયશંકરે કહ્યું કે તિયાનજિનમાં SCO સમિટ પહેલા વિદેશ મંત્રી વાંગની ભારત મુલાકાત ખૂબ જ મહત્વપૂર્ણ છે. અમે આ મુલાકાતના સારા પરિણામો અને નિર્ણયોની ઇચ્છા રાખીએ છીએ. આતંકવાદ અને આતંકવાદીઓ સામેની લડાઈ બંને દેશોની પ્રાથમિકતા છે.

વિદેશ મંત્રી જયશંકરે જણાવ્યું હતું કે ઓક્ટોબર 2024 માં કાઝાનમાં ભારત અને ચીનના વિદેશ મંત્રીઓ વચ્ચે થયેલી બેઠક પછી ચીનના કોઈ મંત્રીની આ પહેલી ભારત મુલાકાત છે. આ મુલાકાત ભારત અને રશિયા વચ્ચેના દ્વિપક્ષીય સંબંધોની સમીક્ષા કરવાની તક પૂરી પાડશે. વર્ષ 2020 માં ગાલવાન ખીણમાં લશ્કરી સંઘર્ષ પછી બંને દેશો વચ્ચેના સંબંધોમાં મુશ્કેલ તબક્કો જોવા મળ્યો હતો, પરંતુ હવે બંને દેશો સાથે મળીને આગળ વધવા માંગે છે.