શુ માણસાઈ મરી પરવારી છે ? અકસ્માત પછી રસ્તા પર તડપતો રહ્યો યુવાન અને આસપાસથી પસાર થતી રહી ગાડીઓ, CCTVમાં કેદ થઈ ઘટના
મહારાષ્ટ્રના ઔરંગાબાદમાં માનવતાને શરમાવનારી ઘટના સામે આવી છે. જે સીસીટીવીમાં કેદ થઈ છે. આ ઘટનાનો એક વીડિયો સામે આવ્યો છે, જેમાં જોઈ શકાય છે કે એક વ્યક્તિ રોડ ક્રોસ કરતી વખતે અકસ્માતનો ભોગ બને છે. પરંતુ આ દરમિયાન તેને બચાવવા કોઈ આવતું નથી. અને તે વ્યક્તિને ટક્કર મારનાર વાહન ચાલક પણ સરળતાથી રફુચક્કર થઈ જાય છે. આ ઉપરાંત ત્યાં આસપાસથી પસાર થયેલા વાહનો સરળતાથી આગળ વહી રહ્યા છે.
મળતી માહિતી મુજબ, અકસ્માતમાં ઘાયલ વ્યક્તિ લાંબા સમય સુધી રસ્તા પર પડ્યો હતો, પરંતુ યુવકને કોઈ મદદ મળી ન હતી, જેના કારણે તેનું મોત થયું હતું. ચા મંગાવવા ગયેલા આ યુવકનું અકસ્માતમાં મોત આશ્ચર્યજનક છે. જો લોકોએ તેને સમયસર મદદ કરી હોત તો તે જીવિત હોત. કોઈએ ગાડીઓ રોકી નહીં પણ ત્યાંથી પસાર થતા લોકો તમાશો જોતા જ રહ્યા. આરોપીઓ સામે કાર્યવાહી કરવામાં આવી હોવાના કોઈ સમાચાર સામે આવ્યા નથી.
કોઈએ મદદની કોશિશ ન કરી
જો કે સીસીટીવીમાં કેદ થયેલી ઘટના માનવતાને શર્મશાર કરનારી છે. ઘણા લોકો રસ્તાની બાજુમાં ઉભા રહીને યુવાનને તડપતો જોતા રહ્યા. આ દરમિયાન ત્યાંથી બસ, કાર અને અન્ય તમામ પ્રકારના વાહનો પસાર થયા હતા. પરંતુ મદદ કરવા માટે કોઈ રોકાયું નહીં.
