સંબંધિત સમાચાર
- Vijay Shah: હાઈકોર્ટના આદેશ પર માનપુર પોલીસ સ્ટેશનમાં FIR, રાજીનામાથી કર્યો ઈંકાર, કોર્ટ પાસે પક્ષ મુકવાનો માંગ્યો સમય
- ભાજપ નેતા વિજય શાહે કર્નલ સોફિયા કુરેશીનું નામ આતંકવાદીઓ સાથે જોડતાં કોંગ્રેસ ગુસ્સે થઈ
- કર્નલ સોફિયા કુરેશી 'વડોદરાની દીકરી' કર્નલ સોફિયાએ ઓપરેશન સિંદૂર વિશે માહિતી આપી
- Operation Sindoor: કર્નલ સોફિયા કુરેશી અને વિંગ કમાન્ડર વ્યોમિકા કોણ છે? પત્રકાર પરિષદ માટે ફક્ત મહિલા અધિકારીઓની પસંદગી કેમ કરવામાં આવી?
- ભારત-પાકિસ્તાન તણાવ વચ્ચે, રાહતના સમાચાર: વૈષ્ણો દેવી માટે હેલિકોપ્ટર સેવા ફરી શરૂ
કર્નલ સોફિયા કુરેશી પર ટિપ્પણી કરનાર વિજય શાહે કહ્યું, 'દિલથી માફી માગું છું
મધ્ય પ્રદેશ સરકારના મંત્રી વિજય શાહે કર્નલ સોફિયા કુરેશી વિશે કરેલી વાંધાજનક ટિપ્પણી પર માફી માગી છે.
એમપીના જનજાતિ કાર્યમંત્રી વિજય શાહે કહ્યું કે, "તાજેતરમાં મારા એક નિવેદનના કારણે સમાજના લાગણી દુભાઈ છે. તેમના માટે હું દિલથી શરમ અનુભવું છું, દુખી છું અને માફી માગું છું."
તાજેતરમાં કર્નલ કુરેશી ચર્ચામાં આવ્યાં હતાં જ્યારે તેમણે ભારતીય સેનાના 'ઑપરેશન સિંદૂર' વિશે વિંગ કમાન્ડર વ્યોમિકાસિંહ અને ભારતીય વિદેશ સચિવ વિક્રમ મિસરી સાથે પત્રકારપરિષદ યોજી હતી.
વિજય શાહે સોફિયા કુરેશીને દેશનાં બહેન ગણાવીને કહ્યું કે, "તેમણે રાષ્ટ્રધર્મ નિભાવીને જાતિ અને સમાજથી આગળ જઈને કામ કર્યું છે."
તેમણે કહ્યું કે, "તેઓ અમારાં સગાં બહેન કરતાં પણ વધુ સન્માનનીય છે."
વિજય શાહે કહ્યું કે, "તાજેતરના ભાષણમાં મારી ઇચ્છા હતી કે કર્નલ સોફિયાની વાતને સારી રીતે સમાજ વચ્ચે રાખી શકું. પરંતુ 'દુખી અને વિચલિત' મને કેટલાક ખરાબ શબ્દો નીકળી ગયા."
"આજે હું સ્વયં શરમ અનુભવું છું. આખા સમાજ અને સમુદાયની માફી માગું છું. સોફિયા બહેન અને દેશની સન્માનનીય સેનાનું હંમેશાંથી સન્માન કરું છું અને હાથ જોડીને માફી માગું છું."
