ગુજરાતમાં આગામી 2 દિવસ રાજ્યમાં ભયંકર આંધીની આગાહી કરવામાં આવી
Weather gujarat- હાલ ગુજરાતના મોટા ભાગના વિસ્તારોમાં ઝડપી પવન ફૂંકાઈ રહ્યો છે, સૌરાષ્ટ્ર તથા કચ્છના વિસ્તારોમાં પવનની ગતિ અન્ય વિસ્તારો કરતાં થોડી વધારે છે. આવનારા બેથી ત્રણ દિવસમાં આ પવનની ગતિમાં ઘટાડો થાય તેવી શક્યતા છે.
IMDએ જાણકારી આપી હતી કે આવનાર 24 કલાકમાં કેરળમાં મોનસૂનના આગમન માટે પરિસ્થિતિઓ અનુકૂળ છે. આ પહેલાં હવામાન વિભાગે કહ્યું હતું કે કેરળમાં ચોમાસું લગભગ 31 મેની આસપાસ પહોંચશે, એ પ્રમાણે જ હાલ ચોમાસું આગળ વધી રહ્યું છે. ગુજરાતમાં પણ આગામી 2 દિવસ રાજ્યમાં આંધી વંટોળની આગાહી કરવામાં આવી
હવામાન વિભાગનું કહેવું છે કે સતત અનુકૂળ પરિસ્થિતિઓ સર્જાઈ રહી છે અને ચોમાસું સમયસર જ ભારતમાં શરૂ થઈ જશે. આ ઉપરાંત એકાદ દિવસમાં ચોમાસું અરબી સમુદ્રના બીજા નવા વિસ્તારો સુધી, માલદિવ્સ, કોમોરિન એરિયા અને લક્ષ્યદ્વીપના વિસ્તારો સુધી ચોમાસું પહોંચે તેવી શક્યતા છે.
જેમાં ગુજરાતમાં 1 જૂનની આસપાસ કદાચ કેટલાક વિસ્તારોમાં હવામાન પલટાય તેવી શક્યતા હાલ દેખાઈ રહી છે. દક્ષિણ ગુજરાત અને સૌરાષ્ટ્રના દક્ષિણ તરફના વિસ્તારોમાં પ્રથમ હવામાન પલટાશે. જે બાદ ચોમાસું જેમ આગળ વધશે તેમ અન્ય વિસ્તારોમાં હવામાન પલટાય તેવી શક્યતા છે.
