ગુજરાતમાં IVF થી પહેલો ટેસ્ટટ્યૂબ બેબી પાડો જન્મ્યો
ભારતમાં પહેલીવાર IVF એટલે કે કૃત્રિમ ગર્ભધાનની ટેકનિકથી ટેસ્ટટ્યુબ પાડાનો જન્મ થયો છે. બન્ની પ્રજાતિની ભેંસની આ પ્રજાતિનાં પાડાનાં જન્મની સાથે જ ભારતમા ટેકનોલોજીએ નવો ઈતિહાસ પણ રચી દીધો છે.
બન્ની જાતિની ભેંસના 6 વખત IVF બીજદાન બાદ પ્રથમ ટેસ્ટ ટ્યુબ પાડાનો જન્મ થયો હતો. આ પ્રક્રિયા સુશીલા એગ્રો ફાર્મ્સના ખેડૂત વિનય એલ. વાલાના ઘરે જઈને તે પૂર્ણ થયું. આ ખેતર ગુજરાતના સોમનાથ જિલ્લાના ધાનેજ ગામમાં આવેલું છે.
કેન્દ્રીય મત્સ્યોદ્યોગ, પશુપાલન અને ડેરી મંત્રાલયે આ પ્રજાતિની ભેંસનો ઇન-વિટ્રો ફર્ટિલાઇઝેશન (IVF) દ્વારા જન્મ આપવાનો પ્રથમ કેસ ગણાવ્યો છે. આ બન્ની ભેંસ ગીર સોમનાથના ધાણેજ ગામના ખેડૂતની છે. મંત્રાલયે ટ્વિટ કર્યું હતું કે, દેશમાં બન્ની જાતિની ભેંસની IVF દ્વારા પ્રથમ પાડાના જન્મની ખુશખબર આપવી આનંદની વાત છે. સુશીલા એગ્રો ફાર્મ્સના ખેડૂત વિનય એલ વાળા પાસે IVF ટેકનીક દ્વારા છ બન્ની ભેંસ ગર્ભવતી થઈ છે, તેમાંથી આ પહેલી ભેંસ છે જેણે પાડાને જન્મ આપ્યો છે.
