ગાંધીનગર જૂના સચિવાલયના બ્લોક નંબર 16ની કચેરીમાં આગ, 3 ફાયર ફાઈટરની ટીમ ઘટના સ્થળે
આજે વહેલી સવારે ગાંધીનગર જૂના સચિવાલયના બ્લોક નંબર 16 ની કચેરીમાં આગ લાગી હતી. વિકાસ કમિશ્નર કચેરીની બિલ્ડિંગમાં આગ લાગી હોવાનું જાણવા મળી રહ્યું છે. બીજા માળમાં આવેલી કચેરી આગની લપેટમાં ઘેરાઈ ગઈ હતી. સૂત્રોના જણાવ્યા પ્રમાણે ફાયરની 3 ગાડીઓ આગ પર કાબુ મેળવવા કામે લાગી ગઇ છે. જોકે આગ લાગવાનું કારણ હજુ જાણવા મળ્યું નથી.
ગાંધીનગરમાં જૂના સચિવાલયના બ્લોક નંબર-16માં લાગેલી આગને અત્યારે કાબૂમાં લેવામાં આવી છે. તેવામાં પ્રાથમિક માહિતી અનુસાર વિકાસ કમિશનરની બિલ્ડિંગમાં આગ લાગી છે. જોકે હજુ સુધી આગ લાગવા પાછળનું કારણ સામે આવ્યું નથી. બીજા માળ પર આગ લાગવાની ઘટના બનતા સમયસર ફાયર બ્રિગેડની ટીમ પણ ત્યાં પહોંચી ગઈ હતી. ત્યારપછી આગ પર કાબૂ મેળવી લેવાયો છે.
