ગોધરાના સરકારી હોસ્પિટલમાં લાગી આગ, 200 થી વધુ દર્દીઓનુ Rescue
godhra hopital fire
ગુજરાતના ગોધરામાં સરકારી સિવિલ હોસ્પિટલના મેડિસિન સ્ટોર રૂમમાં મધ્યરાત્રિએ ભીષણ આગ લાગી હતી. ઘટના સમયે ગર્ભવતી મહિલાઓ સહિત 200 થી વધુ દર્દીઓ હોસ્પિટલમાં દાખલ હતા. માહિતી મળતાં ફાયર બ્રિગેડ અને પોલીસ ઘટનાસ્થળે પહોંચી હતી. તમામ દર્દીઓને સુરક્ષિત રીતે બહાર કાઢવામાં આવ્યા હતા. આગમાં મોટી માત્રામાં દવાઓ બળીને ખાખ થઈ ગઈ હતી. કારણની તપાસ ચાલી રહી છે.
આ આગમાં મોટા પ્રમાણમાં દવાઓનો જથ્થો બળીને ખાખ થઈ ગયો છે. આગ લાગવાનું ચોક્કસ કારણ હજુ સુધી જાણી શકાયું નથી અને આ અંગે વધુ તપાસ ચાલી રહી છે.
#WATCH | Godhra, Gujarat | Fire breaks out in medicine store room of medical college-affiliated civil hospital, over 200 patients evacuated safely. https://t.co/k2HbwOJ7mL
— ANI (@ANI) October 9, 2026
ગોધરાની મેડિકલ કોલેજ માન્યા સિવિલ હોસ્પિટલમાં 10 જુલાઈ 2025 રોજ પણ આ જ મેડિકલ સ્ટોર રૂમમાં આગ લાગવાની ઘટના બની હતી. જેમાં મોંઘી દવાઓના જથ્થાને નુકશાન થયું હતું. દવાનો કેટલો જથ્થો નષ્ટ થયો તે વિશે હોસ્પિટલ તરફથી હાલ નુકશાનીની કોઈ જ સત્તાવાર માહિતી આપવામાં આવી નથી.
ઘટનાની જાણ થતાં જ ગોધરા ફાયર વિભાગની ટીમ તાત્કાલિક ઘટનાસ્થળે દોડી આવી હતી. ફાયર ફાઇટરોના જવાનોએ ત્વરિત કાર્યવાહી કરી પાણીનો સતત મારો ચલાવીને આગ વધુ પ્રસરે તે પહેલાં જ તેના પર કાબૂ મેળવી લીધો હતો. સિવિલ હોસ્પિટલના સ્ટોર રૂમમાં અચાનક કયા કારણોસર આગ લાગી તે અંગેનું ચોક્કસ કારણ હજુ સુધી જાણી શકાયું નથી. શોર્ટ સર્કિટના કારણે આગ લાગી છે કે અન્ય કોઈ કારણસર, તે દિશામાં હોસ્પિટલ તંત્ર અને સંબંધિત વિભાગ દ્વારા તપાસ હાથ ધરવામાં આવી છે.
