સ્વતંત્રતા દિવસ 2026 : ગુજરાતના 19 પોલીસ અધિકારી-કર્મચારીઓ પ્રેસિડેન્ટ્સ મેડલથી સન્માનિત થશે
President's Medal
સ્વતંત્રતા દિવસ 2026 ના પવિત્ર પ્રસંગે પોલીસ સેવામાં વિશિષ્ટ કામગીરી અને લાંબા સમયની ઉત્કૃષ્ટ સેવા બદલ આપવામાં આવતા ‘President’s Medal for Distinguished Service’ (PSM) માટે ગુજરાતના કુલ 19 પોલીસ અધિકારીઓ અને કર્મચારીઓની પસંદગી કરવામાં આવી છે. કેન્દ્ર સરકાર દ્વારા જાહેર કરાયેલી અધિકૃત યાદીમાં ગુજરાતના આ અધિકારીઓ અને કર્મચારીઓના નામનો સમાવેશ કરવામાં આવ્યો છે. આ એવોર્ડ રાજ્યની પોલીસ સેવામાં તેમની લાંબા સમયની વિશિષ્ટ, નિષ્ઠાપૂર્વકની અને સમર્પિત કામગીરીની ઉચ્ચ નોંધ તરીકે જોવામાં આવે છે.
વિવિધ કેડરના અધિકારીઓ અને કર્મચારીઓનું બહુમાન
ગુજરાતમાંથી પસંદગી પામેલા આ 19 પોલીસકર્મીઓમાં ઉચ્ચ હોદ્દાથી લઈને ગ્રાઉન્ડ લેવલ પર સેવા આપતા કર્મચારીઓનો સમાવેશ થાય છે. જેમાં એડિશનલ ડિરેક્ટર જનરલ (ADGP) કક્ષાના એક અધિકારી, એક ઈન્સ્પેક્ટર જનરલ (IGP), બે ડેપ્યુટી સુપરિન્ટેન્ડેન્ટ ઓફ પોલીસ (DySP), એક ઈન્સ્પેક્ટર, બે આર્મ્ડ પોલીસ સબ ઈન્સ્પેક્ટર, તેમજ અન્ય સબ ઈન્સ્પેક્ટર (PSI), આસિસ્ટન્ટ સબ ઈન્સ્પેક્ટર (ASI) અને હેડ કોન્સ્ટેબલ કક્ષાના કર્મચારીઓનો સમાવેશ થાય છે.
એવોર્ડ મેળવનાર ગુજરાતના 19 પોલીસકર્મીઓની સંપૂર્ણ યાદી
મેડલ માટે પસંદ થયેલા ગુજરાતના 19 પોલીસ અધિકારીઓ અને કર્મચારીઓના નામ અને તેમના હોદ્દાની વિગતવાર યાદી નીચે મુજબ છે:
અમિતકુમાર કિશોર વિશ્વકર્મા – એડિશનલ ડિરેક્ટર જનરલ, ગુજરાત
બહાદુરસિંહ અભેસિંહ ચુડાસમા – ડેપ્યુટી સુપરિન્ટેન્ડેન્ટ ઓફ પોલીસ, ગુજરાત
સૌરભ દૌલલ તોલુમ્બિયા – ઈન્સ્પેક્ટર જનરલ, ગુજરાત
કનૈયા લક્ષ્મણભાઈ વાઘેલા – ડેપ્યુટી સુપરિન્ટેન્ડેન્ટ ઓફ પોલીસ, ગુજરાત
બાબાભાઈ રામજીભાઈ કોળી – ઈન્સ્પેક્ટર, ગુજરાત
બલવંતસિંહજી મોતીસિંહજી સોલંકી – આર્મ્ડ પોલીસ સબ ઈન્સ્પેક્ટર, ગુજરાત
દિલીપસિંહ કીર્તિસિંહ રાણા – આસિસ્ટન્ટ સબ ઈન્સ્પેક્ટર, ગુજરાત
સંદીપ મહેન્દ્રભાઈ પટેલ – સબ ઈન્સ્પેક્ટર, ગુજરાત
જયસિંહ ઘનશ્યામસિંહ રાજ – સબ ઈન્સ્પેક્ટર, ગુજરાત
દિનેશકુમાર મણીભાઈ પટેલ – સબ ઈન્સ્પેક્ટર, ગુજરાત
અનિલ શિવરામન નાયર – સબ ઈન્સ્પેક્ટર, ગુજરાત
નાનજી તારશીભાઈ અઘેરા – આર્મ્ડ પોલીસ સબ ઈન્સ્પેક્ટર, ગુજરાત
સબ્બીરખાન કરીમખાન ઠેબા – આસિસ્ટન્ટ સબ ઈન્સ્પેક્ટર, ગુજરાત
અજય પ્રહલાદભાઈ ઓઝા – હેડ કોન્સ્ટેબલ, ગુજરાત
તરુણસિંહ ગણપતસિંહ સોલંકી – હેડ કોન્સ્ટેબલ, ગુજરાત
ઉત્તમસિંહ ગુણવંતસિંહ ઝાલા – સબ ઈન્સ્પેક્ટર, ગુજરાત
રાજેશકુમાર કરશનભાઇ મીર – હેડ કોન્સ્ટેબલ, ગુજરાત
ભરતસિંહ નટવરસિંહ વાઘેલા – સબ ઈન્સ્પેક્ટર, ગુજરાત
કલ્પેશકુમાર સોમાભાઈ દેસાઈ – આસિસ્ટન્ટ સબ ઈન્સ્પેક્ટર, ગુજરાત
સમગ્ર દેશમાં ગુજરાત પોલીસનું ગૌરવ વધ્યું
સ્વતંત્રતા દિવસ નિમિત્તે કેન્દ્ર સરકાર દ્વારા જાહેર કરાયેલી આ યાદીમાં સમગ્ર દેશના વિવિધ રાજ્યો અને કેન્દ્રશાસિત પ્રદેશોના શ્રેષ્ઠ પોલીસકર્મીઓનું સન્માન કરવામાં આવ્યું છે. તેમાં ગુજરાતના 19 જેટલા નાના-મોટા અધિકારીઓ અને કર્મચારીઓની પસંદગી થવાથી ગુજરાત પોલીસ બેડામાં ભારે ખુશી અને ગૌરવની લાગણી વ્યાપી ગઈ છે. આ સન્માન અન્ય પોલીસકર્મીઓને પણ નિષ્ઠા અને સમર્પણ ભાવથી ફરજ બજાવવા માટે પ્રેરણા પૂરું પાડશે.
