Purnesh Modi: રાહુલ ગાંધીનુ સાંસદ પદ છીનવનારા પૂર્ણેશ મોદી બન્યા ગુજરાત વિધાનસભાના ડિપ્ટી સ્પીકર
ગુજરાત વિધાનસભા બજેટ સત્રના પહેલા દિવસે ઉપાધ્યક્ષની ચૂંટણી થઈ. બીજેપીના ઉમેદવાર પૂર્ણેશ મોદીને નવા ડિપ્ટી સ્પીકર જાહેર કરવામાં આવ્યા. સોમવારે સત્તાપક્ષની તરફથી પૂર્ણેશ મોદીની જીતનુ એલાન ધ્વનિમતથી કરવામાં આવ્યુ. પૂર્ણેશ મોદીની સામે કોંગ્રેસના ધારાસભ્ય શૈલેશ પરમારે નામાંકન દાખલ કરવામાં આવ્યુ હતુ. વિધાનસભામાં તેમના પ્રસ્તાવને અસ્વીકાર કરવામાં આવ્યુ. ત્યારબાદ કૃષિ મંત્રી જીતૂ વાઘાનીએ પૂર્ણેશ મોદીનુ ઉપાધ્યક્ષ પદ માટે નામ પ્રસ્તાવિત કર્યુ. જે સદનમાં ધ્વનિમત મંજૂરી આપવામાં આવી. પૂર્ણેશ મોદી સૂરતથી ધારાસભ્ય છે. તેઓ એકવાર પહેલા ગુજરાતમાં કેબિનેટ મંત્રી પણ રહી ચુક્યા છે. ત્રણ વારના વિધાયક પૂર્ણેશ મોદીની રાજ્યમાં નવા પ્રદેશ અધ્યક્ષ તરીકે નિયુક્તિ પછી મજબૂત કમબેક થયુ છે. કેન્દ્રીય મંત્રી સીઆર પાટિલ જ્યારે પ્રદેશ પ્રમુખ હતા, ત્યારે પૂર્ણેશ મોદી સાઈટ પર થઈ ગયા હતા.
દેશભરમાં આવ્યા ચર્ચામાં
પૂર્ણેશ મોદીએ મોદી અટક માનહાનિ કેસમાં કોંગ્રેસ નેતા રાહુલ ગાંધીને ગુજરાત કોર્ટમાં ધકેલી દીધા ત્યારે તેઓ દેશભરમાં હેડલાઇન્સમાં આવ્યા હતા. સુરતની એક કોર્ટે રાહુલ ગાંધીને બે વર્ષની જેલની સજા ફટકારી હતી, જેનાથી તેમનું લોકસભા સભ્યપદ છીનવાઈ ગયું હતું. સુપ્રીમ કોર્ટે બાદમાં ગાંધી પર લાદવામાં આવેલી સજા પર રોક લગાવી દીધી હતી. આ કેસ હજુ પણ ચાલુ છે. પૂર્ણેશ મોદી 2027 સુધી વિધાનસભાના ડેપ્યુટી સ્પીકર તરીકે સેવા આપશે. ડેપ્યુટી સ્પીકર તરીકેની તેમની નિમણૂકને મજબૂત વાપસી તરીકે જોવામાં આવી રહી છે. પૂર્ણેશ મોદી જેઠાભાઈ ભરવાડનું સ્થાન લેશે, જેમણે થોડા સમય પહેલા વ્યક્તિગત કારણોસર રાજીનામું આપી દીધું હતું.
2013 માં તેઓ પહેલી વાર બન્યા ધારાસભ્ય
ગુજરાત ભાજપમાં ખૂબ જ લો પ્રોફાઇલ રાખતા પૂર્ણેશ મોદી પહેલી વાર 2013 ની પેટાચૂંટણીમાં વિધાનસભા પહોંચ્યા હતા. ત્યારબાદ તેઓ 2017 માં બીજી વખત અને 2022 માં ત્રીજી વખત ચૂંટાયા હતા. તેઓ ગુજરાત વિધાનસભામાં સુરત પશ્ચિમ મતવિસ્તારનું પ્રતિનિધિત્વ કરે છે. પૂર્ણેશ મોદીને ડેપ્યુટી સ્પીકર તરીકે નિયુક્ત કરીને, ભાજપે એક જ તીરથી અનેક નિશાનો બનાવ્યા છે. પૂર્ણેશ મોદી દ્વારા પાર્ટીએ OBC સમુદાયને એક મહત્વપૂર્ણ સંદેશ આપ્યો છે. વધુમાં, પૂર્ણેશ મોદીની નિમણૂકથી સુરત મ્યુનિસિપલ કોર્પોરેશનની ચૂંટણીમાં પણ ભાજપને ફાયદો થશે. શંકર ચૌધરી ગુજરાત વિધાનસભાના સ્પીકર છે.
