ગુજરાતમાં આ ત્રણ દિવસ વરસાદની આગાહી, 72 કલાકમાં વાતાવરણમાં આવશે પલટો

Publish: Mon, 12 Oct 2020 (10:02 IST) Updated: Mon, 12 Oct 2020 (10:03 IST)

દક્ષિણ ગુજરાતના સુરત, નવસારી, વલસાડ, તાપી અને ડાંગ જિલ્લામાં આગામી 14મીથી 16મી ઓક્ટોબર સુધીમાં હળવો વરસાદ પડી શકે તેવી હવામાન વિભાગે આગાહી વ્યક્ત કરી છે. આ ત્રણ દિવસ છૂટાછવાયા વિસ્તારમાં વરસાદ પડી શકે છે. દરમિયાન રવિવારે સાંજે 6 વાગ્યે ડેમમાં 6229 ક્યુસેક પાણીની આવક ચાલુ રહેતાં તંત્રે 6229 ક્યુસેક પાણી છોડયું હતું. હવે વરસાદ પડશે તો ખેડૂતોને નુકસાન થવાની ભીતિ સેવાઇ રહી છે. એટલું જ નહીં જે ખેડૂતોની પાક ઊભો છે તેઓને કાપણી માટે રાહ જોવી પડશે કેમકે, વરસાદથી જમીન ભીની થઇ જતાં કાપણીને અસર પહોંચશે.