ગુજરાતના 9 જીલ્લામાં આગામી 3 કલાકમાં ભારે વરસાદનુ એલર્ટ IMD એ આપ્યુ અપડેટ
ગુજરાતમાં છેલ્લા ત્રણ દિવસથી હવામાનમાં પલટો જોવા મળી રહ્યો છે, જેના કારણે કાળઝાળ ગરમીથી પરેશાન લોકોને રાહત મળી છે. કારણ કે ઉનાળાની વચ્ચે વરસાદની ઋતુ ગરમીથી રાહત લાવી છે. બીજી તરફ, ભારે પવન અને કરા પડવાની શક્યતા વ્યક્ત કરવામાં આવી છે. આજના વરસાદના આંકડા પર નજર કરીએ તો, આજે સવારે 6 વાગ્યાથી રાત્રે 8 વાગ્યા સુધીમાં રાજ્યના 103 તાલુકાઓમાં સારો વરસાદ નોંધાયો છે. ગાંધીનગર સ્થિત સ્ટેટ ઇમરજન્સી ઓપરેશન સેન્ટર દ્વારા જાહેર કરાયેલા આંકડા મુજબ, આજે સૌથી વધુ વરસાદ ભાવનગર જિલ્લાના મહુવા તાલુકામાં 170 મીમી નોંધાયો હતો. તમને જણાવી દઈએ કે, આગામી 3 કલાકમાં અમદાવાદ, ગાંધીનગર, ખેડા, આણંદ, વડોદરા, ભરૂચ, ભાવનગર, અમરેલી અને બોટાદમાં વરસાદને લઈને રેડ એલર્ટ જારી કરવામાં આવ્યું છે.
ક્યાં ક્યાં વરસાદ પડી શકે છે?
આજે સવારથી જ ભાવનગર જિલ્લામાં વાદળછાયું વાતાવરણ રહ્યું હતું. બપોરે 12 વાગ્યા પછી અચાનક ઠંડો પવન ફૂંકાવા લાગ્યો અને ઝરમર વરસાદ શરૂ થયો. બપોરે 2 વાગ્યા પછી, ભારે પવન સાથે ભારે વરસાદ શરૂ થયો, જ્યારે ભાવનગર જિલ્લાના કેટલાક વિસ્તારોમાં કરા પણ પડ્યા. મુશળધાર વરસાદને કારણે ઘણી જગ્યાએ રસ્તાઓ પર પાણીની નદીઓ વહેવા લાગી. અન્ય જિલ્લાઓની વાત કરીએ તો, અમરેલીના લાઠીમાં આજે 61 મીમી (2.4 ઇંચ), સાવરકુંડલામાં 54 મીમી (2.13 ઇંચ), લીલીયામાં 49 મીમી (1.9 ઇંચ), અમરેલીમાં 47 મીમી (1.8 ઇંચ), બાબરામાં 43 મીમી (1.6 ઇંચ), ગોંડલમાં ૩૩ મીમી (1.3 ઇંચ) અને બનાસકાંઠાના થરાદમાં ૩૦ મીમી (1.1ઇંચ) વરસાદ નોંધાયો છે. આમ, આજે દિવસભર રાજ્યના 8 તાલુકામાં 1 ઇંચથી વધુ, 3 તાલુકામાં 2 ઇંચથી વધુ અને 1 તાલુકામાં 3 ઇંચથી વધુ વરસાદ પડ્યો છે.
સામાન્ય લોકોને પડતી સમસ્યાઓ
આકાશ કાળા, ગાઢ વાદળોથી ઢંકાયેલું છે. ભારે વરસાદને કારણે સવારે કામ કે ઓફિસે બહાર નીકળેલા નાગરિકોને ઘણી મુશ્કેલીઓનો સામનો કરવો પડ્યો હતો. આજે સવારે એવું લાગ્યું કે અમદાવાદમાં ચોમાસુ આવી ગયું છે. ભોપાલ સહિત શહેરના વિસ્તારોમાં ગાજવીજ અને વીજળીના કડાકા સાથે ભારે વરસાદ પડી રહ્યો છે. હવામાન વિભાગે 12 મે સુધી રાજ્ય અને અમદાવાદ સહિતના જિલ્લાઓમાં વાવાઝોડા સાથે ભારેથી અતિ ભારે વરસાદની આગાહી કરી છે.
હવામાન વિભાગની આગાહી મુજબ, અમદાવાદ શહેરમાં ગઈકાલે રાત્રે વરસાદ શરૂ થયો હતો. સવારે થોડી શાંતિ પછી, ભોપાલ અને શહેરના અન્ય વિસ્તારોમાં ગાજવીજ અને વીજળીના ચમકારા સાથે ભારે વરસાદ ફરી શરૂ થયો. અમદાવાદમાં આજે સવારથી શરૂ થયેલા મુશળધાર વરસાદથી એવું વાતાવરણ સર્જાયું છે કે જાણે ચોમાસુ આવી ગયું હોય. આકાશ કાળા વાદળોથી ઢંકાયેલું છે. ભારે વરસાદને કારણે સવારે કામ કે ઓફિસે બહાર નીકળેલા નાગરિકોને ઘણી મુશ્કેલીઓનો સામનો કરવો પડ્યો હતો.
