10 વર્ષના માસૂમ સાથે નિર્ભયા જેવી હેવાનિયત, કાનપુરમાં બાળકનુ અપહરણ કરીને આંખમાં ખીલ્લી ઠોકી, સિગરેટના ડામ પછી ગળુ દબાવીને હત્યા

કાનપુરમાં મંગળવારે 10 વર્ષના માસૂમ દલિત બાળકને નિર્દયતાથી મારવામાં આવ્યો હતો. નર્વલના સકત બેહટા ગામમાં ઘરેથી રમવા નીકળેલા માસૂમનું પહેલા અપહરણ કરવામાં આવ્યું હતું. આ પછી તેની સાથે આવી ક્રૂરતા આચરવામાં આવી, જેના કારણે દિલ્હીનો નિર્ભયા કેસ યાદ આવી ગયો. નિર્દોષની ગળું દબાવીને હત્યા કરતા પહેલા રાક્ષસોએ તેની આંખમાં 5 ઇંચનો ખીલો અને ગુદામાં લાકડી નાખી હતી. આ ઘટનાથી ગામમાં જાતીય તણાવનો માહોલ સર્જાયો છે.

પોલીસે 6 શકમંદોની અટકાયત કરી હતી

બાળકના મૃતદેહની હાલત જોઈને ગામના લોકો એવું પણ કહેતા જોવા મળ્યા કે આ બાળક સાથે કરવામાં આવેલી ક્રૂરતા જોઈને તેમને નિર્ભયાની ઘટના યાદ આવી ગઈ. બીજી તરફ 24 કલાક બાદ પણ પોલીસે હજુ સુધી આ મામલે ખુલાસો કર્યો નથી. પોલીસ અધિકારીઓના જણાવ્યા અનુસાર, આ ઘટનામાં 6 શકમંદોને કસ્ટડીમાં લેવામાં આવ્યા છે અને તપાસ ચાલી રહી છે. એસપી આઉટર અજીત કુમાર સિન્હાનો દાવો છે કે તેઓ ટૂંક સમયમાં જ હત્યાનો ખુલાસો કરશે. આજે બપોર બાદ ડોક્ટરોની પેનલ બાળકનું પોસ્ટમોર્ટમ કરશે.

માસૂમ  સાથે જાનવર કરતા પણ ખરાબ ક્રૂરતા 

રાજ મિસ્ત્રી મહેન્દ્ર કોરીનો 10 વર્ષનો પુત્ર  5માં ધોરણમાં અભ્યાસ કરતો હતો. માસુમ બાળક સોમવારે બપોરે ટાયર સાથે રમવા માટે ઘરની બહાર ગયો હતો. જે બાદ અચાનક ગાયબ થઈ ગયો. મંગળવારે બપોરે તેનો મૃતદેહ ઘરથી 400 મીટર દૂર ગામના જ રામેન્દ્ર મિશ્રાના સરસવના ખેતરમાં નગ્ન અવસ્થામાં મળી આવ્યો હતો.

સૂચના મળતાં જ નર્વલ પોલીસ અને ફોરેન્સિક ટીમ તપાસ માટે ઘટનાસ્થળે પહોંચી ગઈ હતી. એક્સપર્ટે જણાવ્યું કે બાળકની આંખમાંથી લગભગ 5 ઈંચ લાંબી ખિલ્લી મળી આવી  છે. આખો ચહેરો સિગારેટથી ડામ દીધેલો છે. એટલું જ નહીં તેના ગુદામાં એક લાકડી પણ નાખવામાં આવી છે. મૃતદેહ પાસે મળેલી લાકડી મળ અને લોહીથી ઢંકાયેલી હતી. આ સાથે આખા શરીર પર ઉઝરડા અને સ્ક્રેચના નિશાન છે.

હેવાનિયત કે તંત્ર વિદ્યામાં હત્યા 

પોલીસની અત્યાર સુધીની તપાસમાં તંત્ર મંત્ર કે દુષ્કર્મ આચર્યા બાદ બાળકની હત્યા કરવામાં આવી હોવાનું સામે આવ્યું છે. તેના શરીર પર જોવા મળેલા ઘા ક્રૂરતા અને ગુપ્તતા તરફ ઈશારો કરે છે. પરિવારે ગામમાં કોઈની સાથે દુશ્મની હોવાનો ઈન્કાર કર્યો હતો.