રાંધણગેસની કીમતમાં ઘટાડો, જાણો શું છે કીમત
નવી દિલ્હી આંતરરાષ્ટ્રીય બજારમાં પેટ્રોલિયમ પેદાશોના ભાવમાં સતત ઘટાડા વચ્ચે એલપીજી દેશમાં સતત બીજા મહિને સસ્તી થઈ છે.
દેશની સૌથી મોટી ઓઇલ માર્કેટિંગ કંપની ઇન્ડિયન ઓઇલ કોર્પોરેશનના જણાવ્યા અનુસાર, રાષ્ટ્રીય પાટનગર દિલ્હીમાં 14.2 કિલો નોન-સબસિડીવાળા એલપીજી સિલિન્ડરની કિંમત 1 એપ્રિલથી 61.50 રૂપિયા ઘટાડીને 744 રૂપિયા કરવામાં આવી છે. માર્ચમાં તેની કિંમત 805.50 રૂપિયા હતી.
સબસિડીવાળા ઘરેલું એલપીજી સિલિન્ડરના ભાવમાં વેરાનો હિસ્સો તે પ્રમાણે ઘટાડવામાં આવશે. કોલકાતામાં સબસિડીવાળા સિલિન્ડરની કિંમત 65 રૂપિયાથી ઘટાડીને 744.50, મુંબઇમાં 62 રૂપિયાથી ઘટાડીને 714.50 અને ચેન્નાઇમાં રૂ .64.50 ઘટીને રૂ. 761.50 કરવામાં આવી છે.
