અમદાવાદના ભારે વરસાદે અદાણી ગ્રુપ દ્વારા સંચાલિત એરપોર્ટના વિકાસની ખોલી પોલ
અમદાવાદ એરપોર્ટ: શહેરમાં સાંજ પછીથી જ મેઘરાજાએ તોફાની બેટિંગ શરૂ કરી દીધી હતી. ધોધમાર વરસાદનાં કારણે અનેક જગ્યાએ પાણી ભરાવવાનાં શરૂ થઈ ગયા હતા. તેવામાં અમદાવાદ શહેર આખુ જાણી પાણીમાં ડૂબી ગયું હોય તેવી સ્થિતિનું નિર્માણ થયું હતું. ત્યારે સરદાર વલ્લભભાઈ પટેલ ઈન્ટરનેશનલ (SVPI) એરપોર્ટ પર ફ્લાયર્સને (મુસાફરો) એરપોર્ટની અંદર અને બહાર નીકળવામાં ભારે મુશ્કેલીનો સામનો કરવો પડ્યો હતો. અદાણી ગ્રૂપ દ્વારા સંચાલિત આંતરરાષ્ટ્રીય એરપોર્ટ પર પાણી ભરાઈ જવાની પરિસ્થિતિ વચ્ચે મુસાફરોને તેમની ફ્લાઈટ્સ સમયસર ચઢવા માટે પડકારોનો સામનો કરવો પડ્યો હતો. બીજી બાજુ પેસેન્જર્સે સો.મીડિયામાં પાણી ભરાયેલા વીડિયો શેર કરી ગુસ્સો વ્યક્ત કર્યો હતો.
એરપોર્ટ પર ફસાયેલા મુસાફરોએ ગુસ્સો વ્યક્ત કર્યો
એક સૂત્રએ જણાવ્યું હતું કે અસંખ્ય મુસાફરોએ એરપોર્ટ પર નેવિગેટ કરવામાં અને ત્યાંથી નેવિગેટ કરવામાં જે મુશ્કેલીઓનો સામનો કરવો પડ્યો હતો તે અંગે તેમની નિરાશા વ્યક્ત કરવા માટે સોશિયલ મીડિયાનો ઉપયોગ કર્યો હતો. બેંગલુરુના પેસેન્જર ડો. શરથ કુમાર જીજીએ ટ્વીટ કર્યું કે “એરપોર્ટ એક ટાપુ બની ગયું છે જેમાં ફસાયેલા ફ્લાયર્સ બહાર નીકળી શકતા નથી. અહીં સંપૂર્ણ રીતે કોઈ ડ્રેનેજ સિસ્ટમ કામ કરતી નથી અને હજુ સુધી હોટેલ સુધી 26 કિમીની મુસાફરી કરીને, મારે જ્યાં જવું છે ત્યાં પહોંચવાનું છે પરંતુ ક્યારે પહોંચીશ એની હજુ સુધી કોઈ ખાતરી નથી. "
શનિવારે ભારે વરસાદને કારણે ગુજરાતના અમદાવાદમાં સરદાર વલ્લભાઈ પટેલ એરપોર્ટ ઘૂંટણિયે પાણીમાં ડૂબી ગયું હતું. પાણી ભરાવાને કારણે મુસાફરોને તેમની ફ્લાઈટ્સ સમયસર પહોંચવાનો પ્રયાસ કરવામાં નોંધપાત્ર મુશ્કેલી ઊભી થઈ હતી જ્યારે એરપોર્ટ સત્તાવાળાઓએ મુસાફરોને તેમની ફ્લાઈટ્સ પર અપડેટ્સ માટે તેમની સંબંધિત એરલાઈન્સ સાથે તપાસ કરવાની સલાહ આપી હતી.
