ગરમીમા વધારો - ગરમીનો પારો ૪૩ ડિગ્રીએ પહોંચી શકે
અમદાવાદ સહિત રાજ્યભરમાં ગરમીના પ્રભુત્વમાં વધારો થઇ રહ્યો છે. આજે ગરમીનો પારો 37 ડિગ્રીને પાર થયો હતો. જેમાં અમદાવાદમાં ૩૭.૯ ડિગ્રી સાથે સૌથી વધુ ગરમી નોંધાઇ હતી.
હવામાન વિભાગે જણાવ્યું છે કે, 'આગામી પાંચ દિવસમાં તાપમાન ૨-૩ ડિગ્રી જેટલું વધતાં ગરમીમાં વધારો અનુભવાશે. આવતીકાલે રાજકોટ, પોરબંદર અને દ્વારકામાં હળવા વરસાદની સંભાવના છે. જોકે, આ સિવાય રાજ્યમાં હાલની સ્થિતિએ કમોસમી વરસાદની શક્યતા નહિવત્ છે. આગામી બે દિવસમાં અમદાવાદમાં પારો 40 ડિગ્રીએ પહોંચી શકે છે.
અમદાવાદમાં આગામી સપ્તાહથી ગરમીનો પારો ૪૩ ડિગ્રીએ પહોંચી શકે છે. આગામી 12 થી 16 એપ્રિલ સુધી ગરમીનો પારો 42 થી વધારે જવાની શક્યતા છે.
