IND vs SL: ભારતે 317 રનથી શ્રીલંકા હરાવ્યું, વર્લ્ડ રેકોર્ડ સાથે ODI શ્રેણી કબજે કરી
IND vs SL, 3rd ODI: ભારત અને શ્રીલંકા વચ્ચે રમાયેલી ત્રીજી અને છેલ્લી મેચ ટીમ ઈન્ડિયાએ 317 રનના રેકોર્ડ માર્જિનથી જીતી હતી. વિરાટ કોહલી અને શુભમન ગીલની સદીની ઇનિંગ્સ બાદ મોહમ્મદ સિરાજની રેકોર્ડ બોલિંગના આધારે ભારતે શ્રીલંકા સામે એકતરફી જીત મેળવી અને ત્રણ મેચની શ્રેણીમાં પણ ક્લીનરી કરી લીધી. તિરુવનંતપુરમમાં રમાયેલી મેચમાં ભારતીય ટીમે 390 રનના વિશાળ સ્કોરનો સફળતાપૂર્વક બચાવ કર્યો અને શ્રીલંકાની ટીમને માત્ર 73 રનમાં જ રોકી દીધી.
ભારતીય ટીમે આ જીત સાથે જ વર્લ્ડ રેકોર્ડ પણ પોતાના નામે કરી લીધો છે. તેઓ હવે ODI ક્રિકેટના ઈતિહાસમાં સૌથી મોટી જીત મેળવનારી ટીમ બની ગઈ છે. એટલું જ નહીં, તે 300 કે તેથી વધુ રનના માર્જિનથી જીતનારી વિશ્વની પ્રથમ ટીમ બની ગઈ છે. અગાઉ 2008માં ન્યૂઝીલેન્ડે આયર્લેન્ડને 290 રનના માર્જિનથી હરાવ્યું હતું.
