IND W vs IRE W: ટીમ ઈન્ડિયા વર્લ્ડ કપની સેમીફાઈનલમાં પહોંચી, ફરી એકવાર ચમકી સ્મૃતિ મંધાના
IND W vs IRE W: IND W vs IRE W: મહિલા T20 વર્લ્ડ કપમાં ભારત અને આયર્લેન્ડ વચ્ચે મેચ મુકાબલો થયો. આ મેચમાં ભારતે આયર્લેન્ડને 5 રનથી હરાવ્યું હતું. આ મેચમાં જીત સાથે જ ટીમ ઈન્ડિયા સેમીફાઈનલ માટે ક્વોલિફાઈ થઈ ગઈ છે. ટીમ ઈન્ડિયાની જીતમાં સ્મૃતિ મંધાનાએ મહત્વની ભૂમિકા ભજવી હતી. વરસાદે મેચમાં વિક્ષેપ પાડ્યો હતો. વરસાદના કારણે ટીમ ઈન્ડિયા મેચમાં ડીએલએસના નિયમો અનુસાર પાર સ્કોરથી 5 રન આગળ હતી. સતત વરસાદના કારણે ટીમ ઈન્ડિયાએ આ મેચ જીતી લીધી હતી. વરસાદે મેચમાં વિક્ષેપ પાડ્યો હતો. વરસાદના કારણે ટીમ ઈન્ડિયા મેચમાં ડીએલએસના નિયમો અનુસાર પાર સ્કોરથી 5 રન આગળ હતી. સતત વરસાદના કારણે ટીમ ઈન્ડિયાએ આ મેચ જીતી લીધી હતી.
કેવી રહી મેચની સ્થિતિ
વર્લ્ડ કપમાં પોતાની છેલ્લી લીગ મેચમાં, ભારતે ટોસ જીતીને બેટિંગ કરવાનો નિર્ણય લીધો હતો. પ્રથમ બેટિંગ કરતા ભારતે 6 વિકેટના નુકસાને 155 રન બનાવ્યા હતા. 156 રનનો પીછો કરતા આયર્લેન્ડે 8.2 ઓવરમાં બે વિકેટના નુકસાને 54 રન બનાવ્યા હતા. અચાનક વરસાદે મેચમાં ખલેલ નાખ્યો. વરસાદ શરૂ થયા બાદ પારનો સ્કોર 59 રન હતો અને આયર્લેન્ડની ટીમ આ સ્કોરથી 5 રન પાછળ હતી. આવી સ્થિતિમાં ટીમ ઈન્ડિયાએ આ મેચ જીતીને સેમીફાઈનલમાં જગ્યા બનાવી લીધી છે. ટીમ ઈન્ડિયાની જીત સાથે જ પાકિસ્તાન અને વેસ્ટ ઈન્ડિઝની ટીમો સેમીફાઈનલની રેસમાંથી બહાર થઈ ગઈ છે.
ભારતનો દાવ
આ મેચમાં ભારતીય ટીમે ઝડપી શરૂઆત કરી હતી પરંતુ ટીમ ઈન્ડિયાની ઓપનર શેફાલી વર્મા આ મેચમાં લયમાં જોવા મળી ન હતી. સ્મૃતિ મંધાના એક છેડેથી ખૂબ જ ઝડપથી રન બનાવી રહી હતી. જ્યારે શેફાલી ધીમી ગતિએ રન બનાવી રહી હતી. ભારતને પહેલો ફટકો 62 રને શેફાલીના રૂપમાં લાગ્યો હતો. શેફાલીએ આ મેચમાં 29 બોલમાં 24 રન બનાવ્યા હતા. આ પછી કેપ્ટન હરમનપ્રીત કૌર ક્રિઝ પર આવી. પરંતુ સ્મૃતિ મંધાનાએ કમાન જાળવી રાખી અને એક છેડેથી ટીમનો સ્કોર ઝડપથી વધારવાનું શરૂ કર્યું. હરમનપ્રીત કૌરે પણ ધીમી ઇનિંગ રમી અને 20 બોલમાં માત્ર 13 રન બનાવ્યા. જેમિમા રોડ્રિગ્સે અંતમાં કેટલાક લાંબા શોટ ફટકાર્યા અને ટીમનો સ્કોર 155 રન સુધી પહોંચાડ્યો. આ મેચમાં સ્મૃતિ મંધાનાએ 56 બોલમાં 87 રન બનાવ્યા હતા. મેચના બીજા દાવમાં ભારતે પ્રથમ જ ઓવરમાં આયર્લેન્ડની બે વિકેટ ઝડપી હતી. પરંતુ મેચની 9મી ઓવરમાં વરસાદે તેમાં અવરોધ ઉભો કર્યો હતો.
હરમનપ્રીતનો કમાલ
હરમનપ્રીતે આ મેચમાં બે રેકોર્ડ બનાવ્યા હતા. આ તેની 150મી T20 આંતરરાષ્ટ્રીય મેચ હતી. તે 150 T20 આંતરરાષ્ટ્રીય મેચ રમનાર વિશ્વની પ્રથમ ખેલાડી છે. આજ સુધી કોઈ પુરુષ ખેલાડીએ 150 T20 આંતરરાષ્ટ્રીય મેચ રમી નથી. આ સિવાય તેણે આ મેચમાં તેના 3000 T20 આંતરરાષ્ટ્રીય રન પણ પૂરા કર્યા. આવું કરનાર તે ચોથી મહિલા ખેલાડી બની ગઈ છે. તે જ સમયે, તે ભારતની પ્રથમ એવી ખેલાડી છે જેણે T20 ઇન્ટરનેશનલમાં 3000 રન પૂરા કર્યા છે.
