1. ગુજરાતી ન્યુઝ
  2. ક્રિકેટ
  3. ક્રિકેટ સમાચાર
  4. jasprit bumrah bowling video nets viral can comeback ireland tour

Jasprit Bumrah: નેટ્સમાં પરસેવો પાડી રહ્યા છે જસપ્રીત બુમરાહ, કમબેક માટે તૈયાર બેસ્યો છે ઘાતક બોલર હવે બેટ્સમેનની ખૈર નહી

jasprit bumrah bowling
ભારતીય ઝડપી બોલર જસપ્રિત બુમરાહ લાંબી ઈજામાંથી સાજા થયા બાદ તેની સંપૂર્ણ ફિટનેસ પાછી મેળવવાની નજીક છે. તે આવતા મહિને આયર્લેન્ડના પ્રવાસ સાથે ટીમમાં વાપસી કરે તેવી શક્યતા છે. ઈન્ડિયન એક્સપ્રેસના અહેવાલ મુજબ, બુમરાહે માર્ચમાં પીઠની સર્જરી કરાવ્યા બાદ અને બેંગલુરુમાં નેશનલ ક્રિકેટ એકેડમીમાં સફળતાપૂર્વક પુનર્વસન કર્યા બાદ ગયા મહિને બોલિંગ ફરી શરૂ કરી હતી. ઉપરાંત, તે ધીમે ધીમે પૂરી પૂરી તાકત  સાથે બોલિંગમાં પરત ફરી રહ્યો છે.
 
બુમરાહ નેટ્સમાં બોલિંગ કરી રહ્યા છે
તેઓ એનસીએ ચીફ વીવીએસ લક્ષ્મણની દેખરેખ હેઠળ તેમનું પુનર્વસન કરી રહ્યા છે. તે આ દિવસોમાં નેટ્સ પર જોશથી બોલિંગ કરી રહ્યા છે. તે દરરોજ 8-10 ઓવર બોલિંગ કરે છે. હવે તેમની બોલિંગ કરતો એક વીડિયો પણ સોશિયલ મીડિયા પર વાયરલ થઈ રહ્યો છે. તે વીડિયોમાં બુમરાહ સારી લયમાં જોવા મળી રહ્યા છે.
 
બુમરાહ આયર્લેન્ડ પ્રવાસ પર જોવા મળી શકે છે
પસંદગીકારો અને ટીમ મેનેજમેન્ટ સપ્ટેમ્બરમાં એશિયા કપ માટે બુમરાહને સામેલ કરવાનું વિચારી રહ્યા હતા પરંતુ છેલ્લા કેટલાક અઠવાડિયામાં તેણે જે પ્રગતિ કરી છે તેનો અર્થ એ છે કે તે આવતા મહિને ભારતીય ટીમ સાથે આયર્લેન્ડ જઈ શકે છે. તેમના પ્રવાસ અંગે આગામી દિવસોમાં નિર્ણય લેવામાં આવશે. રિપોર્ટમાં વધુમાં કહેવામાં આવ્યું છે કે બુમરાહના કેસમાં તેમને જે પ્રકારની ઈજા થઈ છે તેને ધ્યાનમાં રાખીને વધારાની કાળજી લેવામાં આવી રહી છે.
આગળનો લેખ
રાજ્યમાં આંખ આવવાના કેસમાં 40 ટકાનો વધારો, રાજ્ય સરકારે એડવાઈઝરી બહાર પાડી