Gold Silver Price: અઠવાડિયાના અંતમાં સોના-ચાંદીની કિમંતોમાં 1100 રૂપિયા સુધીનો મોટો ઘટાડો

અઠવાડિયાના અંતમાં દિલ્હીમાં સોના અને ચાંદીના ભાવ (Gold Silver Price today) માં મોટો ઘટાડો નોંધાયો. દિલ્હી સોની માર્કેટમાં આજે સોનાના ભાવ (Gold price today)મ આં 42 3 રૂપિયાનો જ્યારે કે ચાંદીના ભાવમાં (Silver price today)1105 રૂપિયાનો ઘટાડો આવ્યો. આજે દિલ્હીમાં સોનાનો ભાવ 47777 રૂપિયા પ્રતિ દસ ગ્રામ જ્યારે ચાંદીનો ભાવ 61652 રૂપિયા રહ્યો હતો. આ વખતે ફેડરલ રિઝર્વ દ્વારા કરવામાં આવેલી ટિપ્પણીને કારણે  આંતરરાષ્ટ્રીય બજારમાં મોંઘી ધાતુઓની કિંમત પર દબાણ વધી રહ્યું છે. આજે સતત ત્રીજા સત્રમાં સોનાની કિંમત પર દબાણ જોવા મળી રહ્યું છે. આ સિવાય ડૉલર સામે રૂપિયામાં તેજીની અસર પણ કિંમત પર પડી છે. આજે ડોલર સામે રૂપિયો 5 પૈસાની મજબૂતી સાથે 75.04 ના સ્તર પર બંધ થયો હતો.

HDFCના સિક્યોરિટીઝ રિપોર્ટ મુજબ ગુરુવારે સોનાનો ક્લોઝિંગ ભાવ રૂ. 48200 અને ચાંદીનો ભાવ રૂ. 62757 પ્રતિ કિલો હતો. સાંજે 4 વાગ્યે આંતરરાષ્ટ્રીય બજારમાં સોનાની કિંમત  4.35 ડોલરના ઘટાડા સાથે 1788.75 ડોલર પ્રતિ ઔંસ થઈ હતી. ચાંદી 0.13 ડોલર ઘટીને 22.538 ડોલર પ્રતિ ઔંસ હતી.

ડોમેસ્ટિક બજારમાં સોનાનો દર

સ્થાનિક બજારમાં પણ સોનાની કિંમત પર દબાણ છે. MCX પર સાંજે 4.15 વાગ્યે સોનું રૂ. 164ના ઘટાડા સાથે ફેબ્રુઆરી ડિલિવરી માટે રૂ. 47746 પ્રતિ દસ ગ્રામ પર ટ્રેડ કરી રહ્યું હતું. એ જ રીતે એપ્રિલ ડિલિવરી માટે સોનું 185 રૂપિયાના ઘટાડા સાથે 47797 રૂપિયા પ્રતિ દસ ગ્રામ પર ટ્રેડ થઈ રહ્યું હતું. જૂન ડિલિવરી માટે સોનું રૂ.209ના ઘટાડા સાથે રૂ.47927 પર ટ્રેડ કરી રહ્યું હતું.

ડોમેસ્ટિક બજારમાં ચાંદીના ભાવ

આ સમયે MCX પર, માર્ચ ડિલિવરી માટે ચાંદીમાં ભારે ઘટાડો જોવા મળ્યો હતો. 429 રૂપિયાના ઘટાડા સાથે 61515 રૂપિયા પ્રતિ કિલો પર ટ્રેડ થઈ રહ્યો હતો. મે ડિલિવરી માટે ચાંદી 407 રૂપિયાના ઘટાડા સાથે 62305 ના સ્તર પર વેપાર કરી રહી છે.

સોનાની માંગમાં જબરદસ્ત વધારો

વર્લ્ડ ગોલ્ડ કાઉન્સિલના રિપોર્ટ અનુસાર, ગ્રાહકોના સેન્ટિમેન્ટમાં સુધારો અને કોવિડ-19 સંબંધિત વિક્ષેપો બાદ માંગમાં તેજીને કારણે ભારતમાં સોનાનો વપરાશ વધ્યો છે.(Gold demand in India) 2021 વધીને 797.3 ટન થયું છે અને આ વર્ષે પણ અપટ્રેન્ડ ચાલુ રહેવાની ધારણા છે. 2021માં સોનાની માંગ 78.6 ટકા વધીને 797.3 ટન થઈ છે જે 2020માં 446.4 ટન હતી.