ઈસાઈઓથી વધુ હશે મુસલમાન, ડોનાલ્ડ ટ્રંપની પૂર્વ ઓફિસર બોલી - અમેરીકાના લોકો વધુ બાળકોને જન્મ આપે, ચર્ચા તેજ
Karoline Leavitt with trump
અમેરિકી રાષ્ટ્રપતિ ડોનાલ્ડ ટ્રંપની પૂર્વ પ્રેસ સેક્રેટરી કૈરોલીન લેવિટએ એક નવી ડિબેટ શરૂ કરી દીધી છે. તેમને સોશિયલ મીડિયા પર એક પોસ્ટ કરીને અમેરિકીઓને લગ્ન કરવા અને વધુ બાળકો પેદા કરવાનુ કહ્યુ છે. આ ઉપરાંત તેમનુ પાલન ચર્ચના સંસ્કારો સાથે કરવાની અપીલ કરી છે. પોતાની આ અપીલ સાથે લેવિટે એક્સ પોસ્ટમાં ધ વોશિંગટન પોસ્ટની એક રિપોર્ટનો સ્ક્રીનશૉટ પણ શેયર કર્યો છે. આ રિપોર્ટમાં એક અભ્યાસને પ્રકાશિત કરવામાં આવ્યો છે. જેનુ શીર્ષક છે - 2035 સુધી દુનિયામાં સૌથી વધુ રહેશે મુસ્લિમ વસ્તી. આ ઉપરાંત આ સમાચારમાં એ પણ અનુમાન લગાવ્યુ છે કે અમેરિકા ઈસાઈ બહુલ દેશ નહી રહે.
આ સમાચારને લઈને લેવિટે જે પોસ્ટ કરી છે તેના પર ચર્ચા તેજ છે. તેમનુ કહેવુ છે કે અમેરિકી લોકો જલ્દી લગ્ન કરે. વધુ બાળકોને જન્મ આપે અને પરિવાર બનાવે. ચર્ચના સંસ્કારોમાં તેમનો ઉછેર કરે અને અમેરિકાને પ્રેમ કરતા શિખવાડે. તેમની આ પોસ્ટ પર કેટલાક લોકોએ સમર્થન આપ્યુ છે તો કેટલાક યુઝર્સ એ તેને ખોટુ બતાવ્યુ છે. એક વર્ગનુ કહેવુ છે કે લેવિટની વાત યોગ્ય છે. ઈસાઈ ધર્મના મુજબ બાળકોનો ઉછેર થવો જ જોઈએઅને ફેમીલી વેલ્યુઝ પણ જરૂરી છે. બીજી બાજુ કેટલાક લોકોએ તેમની પોસ્ટ પર વિરોધ બતાવ્યો છે. આ લોકોનુ કહેવુ છે કે છેવટે કેવી રીતે લોકોને કોઈ એક જ રસ્તા પર ચાલવાનુ કહી શકાય છે.
આ ઉપરાંત કેટલાક લોકેઓ બાળકોના ઉછેરને લઈને એ પણ કહ્યુ કે મોંઘવારી એટલી વધી રહી છે. કૉસ્ટ ઑફ લિવિંગમાં વધારો થયો. તેથી બાળકોને ઉછેરવા, સ્વાસ્થ્યની દેખરેખ અને તેમનો અભ્યાસ સહેલો નથી. આ ઉપરાંત એ પણ કહેવુ છે કે બાળકોને આ છૂટ આપવી જોઈએ કે તેઓ જે ધર્મ ઈચ્છે તે ધર્મનુ પાલન કરે. એક યુઝરે લખ્યુ કે મુસ્લિમ અને ઈસાઈ વચ્ચે બાળકો પેદા કરવાની હરીફાઈ ન હોવી જોઈએ. આનુ યોગ્ય સમાધાન એ છે કે બહારથી આવનારા લોકો પર બ્રેક લગાવવામાં આવે. તેનાથી જ પશ્ચિમી દેશોનુ કલ્ચર બચાવી શકાશે.
બીજી બાજુ એક યુઝરે લખ્યુ કે તમે વધુ બાળકો પેદા કરવાની વાત લખી છે પછી તમે લોકો જ મેટરનીટી લીવ, ડે કેયર અને તમામ વસ્તુઓનો વિરોધ કરો છો. આવી સ્થિતિમાં લોકો વધુ બાળકો પેદા કરશે. એક યૂઝરે લખ્યુ કે આટલી મોંઘવારીમાં આમે વધુ બાળકો અફોર્ડ નથી કરી શકતા.

