સંબંધિત સમાચાર
- Kate Middleton: વેલ્સની રાજકુમારીને થયું કેન્સર,કીમોથેરપી શરૂ, કહ્યું- છેલ્લા બે મહિના અમારા માટે ઘણા મુશ્કેલ રહ્યા
- Moscow Firing: મોસ્કોના કોન્સર્ટ હોલમાં આતંકવાદીઓનો અંધાધૂંધ ગોળીબાર, 40 ના મોત આઈએસ એ લીધી જવાબદારી
- BIg Crater on Sun - સૂર્યમાં 60 પૃથ્વીના કદનો ખાડો, સોલર તરંગો નીકળી રહી છે, પૃથ્વી પર ખતરો ?
- 1926 Macallan Whisky - 22 કરોડમાં વેચાઈ દુનિયાની દુર્લભ વ્હિસ્કી, શું છે તેમા ખાસ... જાણો
- હમાસના હુમલામાં 1008 ઇઝરાયલી નાગરિકોના મોત, જવાબી હુમલામાં ગાઝાના 830 લોકો માર્યા ગયા
Malawi Vice President Death: માલાવીમાં ભયાનક વિમાન દુર્ઘટના, વાઇસ પ્રેસિડેન્ટ ચિલિમા અને અન્ય 9 લોકોના મોત
માલાવીના વાઇસ પ્રેસિડેન્ટ સાઉલોસ ક્લાઉસ ચિલિમા અને અન્ય નવ લોકોનું વિમાન દુર્ઘટનામાં મૃત્યુ થયું છે. માલાવીના રાષ્ટ્રપતિએ આ માહિતી આપી. ઉલ્લેખનીય છે કે ઉપરાષ્ટ્રપતિ સાઉલોસ ક્લાઉસ ચિલિમા અને અન્ય 9 લોકોને લઈને જતું પ્લેન ગાયબ થવાના સમાચાર સામે આવ્યા હતા. વિમાન અચાનક રડારથી ગાયબ થઈ ગયું હોવાના અહેવાલ છે. આ પછી ઉડ્ડયન અધિકારીઓએ એરક્રાફ્ટનો સંપર્ક કરવાના ઘણા પ્રયાસો કર્યા પરંતુ તેને શોધવામાં નિષ્ફળ રહ્યા. હવે સમાચાર સામે આવ્યા છે કે આ ભયાનક અકસ્માતમાં ઉપરાષ્ટ્રપતિ અને અન્ય 9 લોકોના મોત થયા છે.
વિમાન અચાનક રડાર પરથી ગાયબ થઈ ગયું
માલાવીના રાષ્ટ્રપતિ કાર્યાલય દ્વારા જારી કરવામાં આવેલા નિવેદનમાં કહેવામાં આવ્યું છે કે ઉપરાષ્ટ્રપતિ ચિલિમા સંરક્ષણ દળના વિમાનમાં સવાર હતા. વિમાને રાજધાની લિલોંગવેથી સ્થાનિક સમય મુજબ સવારે 9.17 કલાકે ઉડાન ભરી હતી. આ પછી પ્લેન અચાનક રડારથી ગાયબ થઈ ગયું. આ પછી રાષ્ટ્રપતિ લાઝારસ ચકવેરાએ સુરક્ષા દળોને વિમાનને શોધવા માટે તાત્કાલિક શોધ અને બચાવ અભિયાન શરૂ કરવાનો આદેશ આપ્યો હતો.
અહેવાલ છે કે માલાવીના રાષ્ટ્રપતિ ચકવેરા બહામાસની મુલાકાતે જવાના હતા. પરંતુ, પ્લેન ગુમ થયાની માહિતી મળતાં તેણે પોતાનો પ્રવાસ રદ કર્યો હતો. સર્ચ ઓપરેશન પછી જાણવા મળ્યું કે પ્લેન એક ભયાનક દુર્ઘટનાનો શિકાર બન્યું હતું. આ દુર્ઘટનામાં ઉપરાષ્ટ્રપતિ ચિલિમા અને વિમાનમાં સવાર અન્ય નવ લોકોના પણ મોત થયા હતા.
થોડા દિવસો પહેલા ઈરાનના દિવંગત રાષ્ટ્રપતિ ઈબ્રાહિમ રાયસીનું વિમાન પણ ગુમ થઈ ગયું હતું. બાદમાં સમાચાર આવ્યા કે તેમનું પ્લેન ક્રેશ થયું હતું અને તેમનું મૃત્યુ થયું હતું.
