ફાટી ગયેલું દૂધ ફેંકી ન દો! તેમાંથી બનાવો 5 સ્વાદિષ્ટ વાનગીઓ
1. પનીર ભુર્જી
ફાટી ગયેલા દૂધને સુતરાઉ (કૉટન) કપડામાં ગાળી તેનું પાણી અલગ કરી લો. કપડાને સારી રીતે બાંધીને રાખશો તો નરમ પનીર તૈયાર થઈ જશે. આ પનીરમાં ડુંગળી, ટામેટા, લીલા મરચાં અને મસાલા ઉમેરીને ઝટપટ સ્વાદિષ્ટ પનીર ભુર્જી બનાવી શકો છો.
2. રસગુલ્લા અથવા રસમલાઈ
ગાળીને મેળવેલા પનીર (છેના)ને હાથથી 5-10 મિનિટ સુધી સારી રીતે મસળી લો, જેથી તે એકદમ નરમ થઈ જાય. ત્યારબાદ તેના નાના-નાના ગોળા બનાવી ખાંડની ચાસણીમાં ઉકાળો. આ રીતે નરમ અને સ્પોન્જ જેવા રસગુલ્લા તૈયાર થઈ જશે. આ જ છેનાથી સ્વાદિષ્ટ રસમલાઈ પણ બનાવી શકાય છે.
3. ગુલાબજામુન અથવા પેંડા
ફાટી ગયેલા દૂધનું પાણી સંપૂર્ણપણે નિતારીને છેનાને કડાઈમાં ધીમી આંચ પર શેકો. તેમાં થોડી ખાંડ, એલચી પાવડર અને મિલ્ક પાવડર ઉમેરીને મિશ્રણ ઘટ્ટ થાય ત્યાં સુધી પકાવો. આ મિશ્રણમાંથી સ્વાદિષ્ટ પેંડા અથવા બરફી બનાવી શકાય છે.
4. પનીર પરાઠા
નિતારેલા પનીરને મસળી તેમાં બારીક સમારેલી કોથમીર, લીલા મરચાં, જીરું અને મીઠું ઉમેરો. આ તૈયાર કરેલા સ્ટફિંગને ઘઉંના લોટની કણકમાં ભરીને સ્વાદિષ્ટ અને પૌષ્ટિક પનીર પરાઠા બનાવી શકાય છે.
5. શાક અથવા રોટલી માટે પનીરનું પાણી
દૂધ ગાળ્યા પછી વધેલું પાણી ફેંકી ન દો. આ પાણીમાં અનેક પોષક તત્વો હોય છે. તેનો ઉપયોગ રોટલીનો લોટ બાંધવા માટે કરી શકાય છે, જેથી રોટલી નરમ બને છે. આ ઉપરાંત, કોઈપણ રસાવાળા શાકની ગ્રેવી બનાવવામાં પણ આ પાણીનો ઉપયોગ કરી શકાય છે.
