ચાઇનીઝ સ્ટાટર્સ માટે સૌથી લોકપ્રિય વાનગી Crispy Honey Chilli Potato રેસીપી

Published By: મોનિકા સાહૂ

Updated: Tue, 11 Aug 2026 (15:43 IST)

સામગ્રી

બટાકા માટે:

બટાકા – 4 મોટા

કોર્નફ્લોર – 4 ટેબલસ્પૂન

મેદો – 2 ટેબલસ્પૂન

મીઠું – સ્વાદ મુજબ

કાળા મરી પાઉડર – ½ ચમચી

પાણી – જરૂર મુજબ

તેલ – તળવા માટે

સોસ માટે:

તેલ – 1 ટેબલસ્પૂન

લસણ – 1 ટેબલસ્પૂન, બારીક સમારેલું

આદુ – 1 ચમચી

લીલા મરચાં – 1-2, સમારેલા

સ્પ્રિંગ ઓનિયન – 2 ટેબલસ્પૂન

રેડ ચીલી સોસ – 1 ટેબલસ્પૂન

ટોમેટો કેચપ – 2 ટેબલસ્પૂન

સોયા સોસ – 1 ટેબલસ્પૂન

મધ – 2 ટેબલસ્પૂન

તલ – 1 ટેબલસ્પૂન

મીઠું – જરૂર મુજબ

 બનાવવાની રીત

સૌપ્રથમ બટાકાને છોલીને લાંબી, પાતળી સ્ટિક્સમાં કાપી લો. તેને ઠંડા પાણીમાં 15-20 મિનિટ પલાળી રાખો.

હવે બટાકાનું પાણી કાઢીને સારી રીતે સૂકવી લો.

તેમાં કોર્નફ્લોર, મેદો, મીઠું અને કાળા મરી પાઉડર ઉમેરો. થોડું પાણી ઉમેરીને બટાકા પર પાતળું કોટિંગ ચઢાવો.

કડાઈમાં તેલ ગરમ કરી બટાકાને મધ્યમ તાપે હળવા ગોલ્ડન અને ક્રિસ્પી થાય ત્યાં સુધી તળી લો.

વધુ ક્રિસ્પીનેસ માટે તળેલા બટાકાને બીજી વાર તેજ તાપે 1-2 મિનિટ તળી શકો છો.

હવે પેનમાં 1 ટેબલસ્પૂન તેલ ગરમ કરો. તેમાં લસણ, આદુ અને લીલા મરચાં નાખીને થોડા સેકન્ડ સાંતળો.

તેમાં રેડ ચીલી સોસ, ટોમેટો કેચપ અને સોયા સોસ ઉમેરીને સારી રીતે મિક્સ કરો.

ગેસ ધીમો કરીને મધ ઉમેરો અને તરત મિક્સ કરો.

હવે તળેલા ક્રિસ્પી બટાકા ઉમેરો અને તેજ તાપે ઝડપથી ટોસ કરો, જેથી સોસનું કોટિંગ બટાકા પર સરસ રીતે ચઢી જાય.

છેલ્લે તલ અને સ્પ્રિંગ ઓનિયનથી ગાર્નિશ કરો.