બહારથી ક્રિસ્પી અને અંદરથી સોફ્ટ કોરિયન ક્રીમ ચીઝ ગાર્લિક બ્રેડ Korean Cream Cheese Garlic Bread recipe

Published By: મોનિકા સાહૂ

Updated: Tue, 4 Aug 2026 (17:21 IST)

સામગ્રી

ક્રીમ ચીઝ ફિલિંગ માટે

ક્રીમ ચીઝ – 200 ગ્રામ

પાઉડર ખાંડ – 2 ટેબલસ્પૂન

ફ્રેશ ક્રીમ – 2 ટેબલસ્પૂન (વૈકલ્પિક)

ગાર્લિક બટર મિશ્રણ માટે

બટર (પીગળેલું) – ½ કપ

લસણની પેસ્ટ – 1 ટેબલસ્પૂન

દૂધ – 2 ટેબલસ્પૂન

1 ઈંડું (વૈકલ્પિક, ન નાખવું હોય તો 2 ટેબલસ્પૂન દૂધ વધારવું)

મધ – 1 ટેબલસ્પૂન

પાર્સ્લી અથવા ઝીણી સમારેલી કોથમીર – 2 ટેબલસ્પૂન

મીઠું – એક ચપટી

અન્ય સામગ્રી

નાના ગોળ બ્રેડ બન – 4

બનાવવાની રીત

સ્ટેપ 1: ક્રીમ ચીઝ ફિલિંગ તૈયાર કરો

એક બાઉલમાં ક્રીમ ચીઝ અને પાઉડર ખાંડ ઉમેરો.

સ્મૂથ થાય ત્યાં સુધી ફેન્ટો.

હવે તેને પાઇપિંગ બેગ અથવા પ્લાસ્ટિકની થેલીમાં ભરી લો.

સ્ટેપ 2: બ્રેડ તૈયાર કરો

દરેક બનમાં નીચેથી જોડાયેલો રહે તે રીતે 6-8 કટ લગાવો.

સંપૂર્ણ કાપી ન નાખવું.

સ્ટેપ 3: ફિલિંગ ભરો

દરેક કટ વચ્ચે ક્રીમ ચીઝનું મિશ્રણ ભરી દો.

સ્ટેપ 4: ગાર્લિક બટર તૈયાર કરો

પીગળેલા બટરમાં લસણની પેસ્ટ, મધ, દૂધ, ઈંડું (જો વાપરો તો), કોથમીર અથવા પાર્સ્લી અને મીઠું ઉમેરી સારી રીતે મિક્સ કરો.

સ્ટેપ 5: બ્રેડને ડીપ કરો

તૈયાર બ્રેડને ગાર્લિક બટર મિશ્રણમાં હળવેથી ડૂબાડો જેથી બધી બાજુ સારી રીતે કોટ થઈ જાય.

સ્ટેપ 6: બેક કરો

ઓવનને 180°C પર પ્રીહીટ કરો.

બ્રેડને બેકિંગ ટ્રેમાં મૂકી 15-20 મિનિટ સુધી બેક કરો.

ઉપરનો ભાગ ગોલ્ડન બ્રાઉન થાય એટલે બહાર કાઢી લો.

ઓવન ન હોય તો: કડાઈમાં સ્ટેન્ડ મૂકી ઢાંકણ ઢાંકી ધીમી આંચ પર 20-25 મિનિટ બેક કરી શકાય.