ચટપટા અને મસાલેદાર શેજવાન પોહા
રોજના નાસ્તામાં પોહા ખાઈને કંટાળી ગયા હોવ તો આ વખતે તેમાં ચાઈનીઝ ટ્વિસ્ટ આપીને મસાલેદાર અને ચટપટા શેજવાન પોહા બનાવી જુઓ. શેજવાન સોસનો તીખો સ્વાદ અને શાકભાજીની ક્રંચી ટેક્સચર આ પોહાને એકદમ ટેસ્ટી બનાવે છે.
ALSO READ: મોનસૂન સ્પેશિયલ ક્રિસ્પી બ્રેડ પકોડા
સામગ્રી
પોહા – 2 કપ
ડુંગળી – 1 ઝીણી સમારેલી
શિમલા મરચું – ½ કપ ઝીણું સમારેલું
ગાજર – ½ કપ ઝીણું સમારેલું
લીલા વટાણા – ¼ કપ
લીલા મરચાં – 1-2 ઝીણાં સમારેલાં
લસણ – 1 ટેબલસ્પૂન ઝીણું સમારેલું
શેજવાન સોસ – 2 ટેબલસ્પૂન
સોયા સોસ – 1 નાની ચમચી
લીંબુનો રસ – 1 નાની ચમચી
રાઈ – ½ નાની ચમચી
જીરું – ½ નાની ચમચી
હળદર – ¼ નાની ચમચી
મીઠું – સ્વાદ અનુસાર
તેલ – 2 ટેબલસ્પૂન
કોથમીર – સજાવટ માટે
સેવ – જરૂર મુજબ
ALSO READ: બચેલી રોટલીમાંથી બનાવો ક્રિસ્પી રોટલી કટલેટ
બનાવવાની રીત
-પોહાને ચાળણીમાં લઈને પાણીથી હળવા હાથે ધોઈ લો. પોહામાંથી વધારાનું પાણી નિતારી 5-10 મિનિટ માટે રાખો.
-કડાઈમાં તેલ ગરમ કરી તેમાં રાઈ અને જીરું ઉમેરો. ત્યારબાદ ઝીણું સમારેલું લસણ અને લીલું મરચું નાખીને થોડું સાંતળો.
-હવે તેમાં ડુંગળી, ગાજર, લીલા વટાણા અને શિમલા મરચું ઉમેરો. 2-3 મિનિટ સુધી તેજ આંચ પર સાંતળો, જેથી શાકભાજી થોડાં ક્રંચી રહે.
-હવે શેજવાન સોસ અને સોયા સોસ ઉમેરો. બરાબર મિક્સ કરી 1 મિનિટ સુધી સાંતળો.
-હળદર અને સ્વાદ અનુસાર મીઠું નાખીને પોહા ઉમેરો. બધું હળવા હાથે મિક્સ કરો અને 2-3 મિનિટ સુધી પકાવો.
-ગેસ બંધ કરીને તેમાં લીંબુનો રસ અને ઝીણી સમારેલી કોથમીર ઉમેરો. ઉપરથી સેવ નાખીને ગરમાગરમ પીરસો.
