Jagjit Singh Gujarati Songs જીવન મરણ છે એક (જુઓ વીડિયો)

જીવન-મરણ છે એક બહુ ભાગ્યવંત છું,

તારી ઉપર મરું છું હું તેથી જીવંત છું.

ખુશ્બૂ હજી છે બાકી જો સૂંઘી શકો મને,

હું પાનખર નથી હું વીતેલી વસંત છું.

હદથી વધી જઈશ તો તરત જ મટી જઈશ,

બિંદુની મધ્યમાં છું હું તેથી અનંત છું.

બન્ને દશામાં શોભું છું ઝુલ્ફોની જેમ હું,

વીખરાયેલો કદી છું, કદી તંતોતંત છું.

મારા પ્રયાસ અંગે, ન આપો સમજ મને,

બુધ્ધિનો જેમાં ભાગ નથી એવો ખંત છું,

રસ્તે પલાંઠી વાળીને બેઠો છું હું

ને આમ જોઈએ તો ન સાધુ ન સંત છું.

સાંભળો 'જીવન મરણ છે એક'નો વીડિયો

 જગજીતસિંહની ફેમસ ગઝલ 'એવા આ હસ્તાક્ષર'

અંતરનાં પાને હળવેથી અંકાયા સ્વર અક્ષર

સૂર શબ્દના થાય હૃદય પર સહિયારા હસ્તાક્ષર

એવા આ હસ્તાક્ષર.

વતન તણી માટીની ફોરમ ભીંજવી દેતી ભીતર

ફૂલ ફૂલની ઓળખ લઈને ખુશ્બુ વહેતી ઘર ઘર

સમય ભલેને સરી જાય પણ અમર રહે સ્વર અક્ષર

સૂર શબ્દના થાય હૃદય પર સહિયારા હસ્તાક્ષર

એવા આ હસ્તાક્ષર.

એક જ નાની ફૂંક વહે ને એક બંસરી વાગે

એક જ પીંછીં રંગ ભરે ને દ્ર્શ્ય સજીવન લાગે

કંઠ એક જો બને પૂજારી ગીત બને પરમેશ્વર

સૂર શબ્દના થાય હૃદય પર સહિયારા હસ્તાક્ષર

એવા આ હસ્તાક્ષર.

સાંભળો જગજીતસિંહની ફેમસ ગઝલ 'એવા આ હસ્તાક્ષર'