IPL 2023 મા નવા રોલમા જોવા મળી શકે છે રવિન્દ્ર જડેજા, આ નંબર પર કરી શકે છે બેટિંગ
IPL 2023: આઈપીએલનો મંચ તૈયાર થઈ ગયો છે. વર્તમાન ચેમ્પિયન ગુજરાત ટાઇટન્સ અને ચાર વખતની વિજેતા ચેન્નઈ સુપર કિંગ્સ વચ્ચે આજે સિઝનની પ્રથમ મેચ રમાશે. બંને ટીમ આ મેચ જીતીને ટૂર્નામેન્ટની સારી શરૂઆત કરવા માંગશે. આ વર્ષે CSKની ટીમમાં ઘણા સ્ટાર ખેલાડીઓ છે. રવિન્દ્ર જાડેજા આ વર્ષે શાનદાર ફોર્મમાં છે અને સમગ્ર સિઝન દરમિયાન પોતાની ટીમ માટે કમાલ કરી શકે છે. બધાની નજર કપ્તાન એમએસ ધોનીના સૌથી ભરોસાપાત્ર વ્યક્તિ રવિન્દ્ર જાડેજા પર છે. આ દરમિયાન ભારતના પૂર્વ ઓફ સ્પિનર હરભજન સિંહે જાડેજાને લઈને મોટો દાવો કર્યો છે.
શુ બોલ્યા હરભજનસિંહ
હરભજન સિંહનું માનવું છે કે ડાબોડી સ્પિન ઓલરાઉન્ડર રવિન્દ્ર જાડેજા IPL 2023માં ચેન્નાઈ સુપર કિંગ્સ માટે બેટિંગ ક્રમમાં આગળ વધી શકે છે. જાડેજાએ IPL 2022 વિનાશક રહ્યું, તેણે 10 ઇનિંગ્સમાં 19.33ની સરેરાશથી માત્ર 116 રન બનાવ્યા અને 7.52ના ઇકોનોમી રેટથી પાંચ વિકેટ લીધી. આ ઉપરાંત તેઓ ગયા વર્ષે મેચની શરૂઆતમાં CSKના કપ્તાન હતા. પરંતુ એમએસ ધોનીએ અધવચ્ચેથી જ નેતૃત્વની જવાબદારીઓ સંભાળી લીધી અને ટૂંક સમયમાં જ જાડેજાને પાંસળીની ઈજાને કારણે બાકીની ટુર્નામેન્ટમાંથી બહાર કરવામાં આવ્યો. આ જ કારણ છે કે જાડેજા તેની અગાઉની સિઝનને ભૂલી જવા માંગશે.
જાડેજા સારા ફોર્મમા
હવે, IPL 2023 પહેલા, જાડેજાએ ઓસ્ટ્રેલિયા સામે ભારતની 2-1 ટેસ્ટ શ્રેણી જીતવામાં પ્લેયર ઓફ ધ સિરીઝનો એવોર્ડ જીત્યો હતો અને સાથે જ મુંબઈમાં ટીમની ODI જીતમાં મહત્વની ભૂમિકા ભજવી હતી. હરભજને સ્ટાર સ્પોર્ટ્સ પર કહ્યું કે તે એક ખેલાડી પર નજર રાખશે જે રવીન્દ્ર જાડેજા છે. તે જોવા માંગે છે કે જાડેજા CSK માટે કેવા પ્રકારની બેટિંગ કરવા જઈ રહ્યા છે. તેમને લાગે છે કે જાડેજાને ઓર્ડર અપ (આ સિઝનમાં) કરવામાં આવશે. તેમજ બોલ સાથેની તેની ચાર ઓવર નિર્ણાયક રહેશે. અત્યારે વિશ્વ ક્રિકેટ પર નજર કરીએ તો જાડેજાથી સારો ઓલરાઉન્ડર કોઈ નથી. આથી, તેઓ રવિન્દ્ર જાડેજાને IPLમાં પરફોર્મ કરતા જોવા માટે ઉત્સુક છે.
