Karnataka Election Result 2023 - BJP બહુમત નહી મળે તો JDS સાથે કરી શકે છે ગઠબંધન ! આ બીજેપી નેતાએ કર્યો દાવો

Karnataka Election Result 2023. કર્ણાટકમાં વિધાનસભા ચૂંટણી માટે 10 મેના રોજ મતદાન પૂર્ણ થયું હતું. મોટાભાગના એક્ઝિટ પોલમાં કોંગ્રેસ સૌથી મોટી પાર્ટી તરીકે ઉભરી રહી છે. બીજેપી બીજા સ્થાને જોવા મળી રહી છે. આ સ્થિતિમાં કર્ણાટકમાં ત્રિશંકુ વિધાનસભાની શક્યતા વધુ છે. જે બાદ એવું માનવામાં આવે છે કે જેડીએસ કિંગમેકર તરીકે ઉભરી આવશે. એવું માનવામાં આવે છે કે જો આવી સ્થિતિ ઉભી થશે તો જેડીએસ કોંગ્રેસ સાથે ગઠબંધન કરશે જેમ કે અગાઉની ચૂંટણીઓમાં પણ થયું હતું.

જેડીએસ સાથે ગઠબંધનની વાત નકારી શકાતી નથી 

ગુરુવારે દાવણગેરે જિલ્લાના હોનાલી મતવિસ્તારના ભાજપના વર્તમાન ધારાસભ્ય એમ.પી. રેણુકાચાર્યએ કહ્યું કે ત્રિશંકુ વિધાનસભાની સ્થિતિમાં જનતા દળ-સેક્યુલર (જેડી-એસ) સાથે ગઠબંધનને નકારી શકાય નહીં. પત્રકારો સાથે વાત કરતા ભાજપના ધારાસભ્યએ કહ્યું કે જો આવી સ્થિતિ ઉભી થાય તો જેડી-એસ સાથે ગઠબંધન થઈ શકે છે. ઉલ્લેખનીય છે કે રેણુકાચાર્ય બીએસ યેદિયુરપ્પાના નજીકના માનવામાં આવે છે.

અત્યાર સુધી જેડીએસ સાથે કોઈ મૌન સમજૂતી થઈ નથી 

હોનાલી મતવિસ્તારથી ચૂંટણી લડી રહેલા ભાજપના ઉમેદવાર રેણુકાચાર્યએ વધુમાં કહ્યું કે, આજ સુધી જેડીએસ સાથે કોઈ મૌન સમજૂતી નથી. તેમણે કહ્યું કે લોકોએ ભાજપને મત આપ્યા છે. હું અહીં કોઈને દોષ નથી આપતો. કર્ણાટકમાં ભાજપ સત્તામાં આવશે. આ સાથે જ તેમણે એમ પણ કહ્યું કે "હું મીડિયાના અહેવાલોને સંપૂર્ણપણે ફગાવીશ નહીં. અમે 150 બેઠકોની આગાહી કરી હતી. હવે એવું લાગે છે કે ભાજપને 125થી વધુ બેઠકો મળશે. અમે ગ્રામીણ વિસ્તારોમાં કાર્યકરોનુ વલણ જાણીએ છીએ."

ઈંડિયા ટીવી-સીએનએક્સ એક્ઝિટ પોલમાં કોણે મળશે કેટલી સીટો ? 

અહી તમને જણાવી દઈએ કે ઈન્ડિયા ટીવી-સીએનએક્સ એક્ઝિટ પોલમાં આગાહી કરવામાં આવી છે કે 224 બેઠકોવાળી વિધાનસભામાં કોંગ્રેસ 110-120 બેઠકો જીતી શકે છે, સત્તારૂઢ ભાજપ 80-90 બેઠકો સાથે બીજા નંબરે આવી શકે છે, જનતા દળ (એસ) 20. -24 બેઠકો, જ્યારે 'અન્ય' સહિત અપક્ષો 1-3 બેઠકો જીતી શકે છે. વોટ શેરની દ્રષ્ટિએ, એક્ઝિટ પોલમાં કોંગ્રેસને 41.57 ટકા, ભાજપને 35.61 ટકા, જેડી(એસ)ને 16.1 ટકા અને અન્યને 6.72 ટકા મત મળવાની આગાહી કરવામાં આવી છે.