રાહુલ ગાંધીએ ઈવીએમને બ્લૅક બૉક્સ કેમ ગણાવ્યું?
કૉંગ્રેસ નેતા રાહુલ ગાંધીએ રવિવારે ઈવીએમને બ્લૅક બૉક્સ ગણાવ્યા હતા. રાહુલ ગાંધીએ કહ્યું કે ઈવીએમની તપાસ કરવાની કોઈને મંજૂરી નથી.
તેમણે કહ્યું કે ભારતીય ચૂંટણી પ્રક્રિયામાં પારદર્શિતાને લઈને ગંભીર ચિંતાઓ વ્યક્ત કરવામાં આવી છે.
રાહુલ ગાંધીએ સોશિયલ મીડિયા પ્લૅટફૉર્મ ઍક્સ પર એક મીડિયા રિપોર્ટ પર ટેગ કરીને લખ્યું, “જ્યારે સંસ્થા પાસે જવાબદારીનો અભાવ હોય ત્યારે લોકતંત્ર દેખાડો બનીને છેતરપિંડી તરફ વળી જાય છે.”
કૉંગ્રેસના પૂર્વ અધ્યક્ષે એલન મસ્કની પોસ્ટને પણ ટેગ કરી હતી જેમાં મસ્કે ઈવીએમને હટાવવાની સલાહ આપી હતી.
