સંબંધિત સમાચાર
- કડકડાતી ઠંડમાં અયોધ્યામાં રામલલાએ પણ પહેર્યા ગર્મ કપડા, હીટરની પણ થઈ વ્યવસ્થા
- એ વિક્રમ સારાભાઈની કહાણી જેમને ચંદ્રયાત્રાનો પાયો નાખ્યો હતો
- સમસ્યાને હળવી ના માનો. મૂળ સુધી પહોંચો અને કાયમી નિરાકરણ કરોઃ ડૉ. વિક્રમ સારાભાઈ
- હેમંત સોરેન ઝારખંડના 11 મા મુખ્યમંત્રી બન્યા, રાહુલ અને મમતા સહિતના ઘણા વિપક્ષી નેતાઓ શપથ ગ્રહણમાં સામેલ થયા
- મન કી બાત: પીએમ મોદીએ કહ્યું - આપણી યુવા અરાજકતા સામે દેશને તેમની પાસેથી ઘણી આશા છે
Gujarat weather report - રાજ્યમાં ઠંડીનો ચમકારો વધ્યો, જાણો ક્યાં છે કેટલું તાપમાન
સમગ્ર રાજ્યમાં સૂર્ય ગ્રહણ બાદ ઠંડીમાં ચમકારો જોવા મળી રહ્યો છે. ગુજરાતના 6 શહેરોનું તાપમાન 10 ડિગ્રીથી ઓછુ નોંધાયું છે. નલિયા 6 ડિગ્રી સાથે રાજ્યનું સૌથી ઠંડુગાર સ્થળ બન્યું. તો ભુજમાં 7.2 ડિગ્રી, કંડલામાં 9 ડિગ્રી, રાજકોટમાં 8.3 ડિગ્રી અને ડીસામાં 8.7 ડિગ્રી ઠંડી નોંધાઈ હતી. રાજ્યના પાટનગર ગાંધીનગરમાં 10.8 અને અમદાવાદમાં 12.5 ડિગ્રી ઠંડીનો અનુભવ થઇ રહ્યો છે. લોકો દિવસે પણ ગરમ કપડાંમાં સજ્જ જોવા મળ્યા હતા. સાંજે અને વહેલી સવારે લોકો ઘરમાં પુરાઈ રહેતા બજારો સુની પડી ગઇ હતી.
ઉત્તર ગુજરાતમાં છેલ્લા બે દિવસમાં પવનની બદલાયેલા દિશાના કારણે તાપમાન ઘટ્યું હતું. ત્યારે હિલ સ્ટેશન માઉન્ટ આબુમાં એક જ રાતમાં તાપમાન 4 ડિગ્રી ઘટી જતા અનેક જગ્યાએ બરફ જામ્યો હતો. શુક્રવારના માયનસ એક ડિગ્રીથી શનિવારના સીધું માયનસ ત્રણ ડિગ્રી સેલ્સિયસ તાપમાન નોંધાતા ઠેર ઠેર બરફના પડો છવાયેલા રહ્યા હતા. ખુલ્લા પડેલા પાણીના બાઉલો અને ખુલ્લા મેદાનો સહિત હવે પાણીના નળમાં પણ બરફ છવાયો હતો.
નવું વેસ્ટર્ન ડિસ્ટબર્ન્સ આગામી 30 ડિસેમ્બરે પશ્ચિમી હિમાલય અને કાશ્મીરને અસર પહોંચાડશે. જેથી 31મીથી 2 જાન્યુઆરી સુધી ગુજરાત સહિત ઉત્તર ભારતના રાજ્યોમાં કમોસમી વરસાદની સંભાવના છે. જેથી બેથી ત્રણ દિવસ સમગ્ર ગુજરાતમાં ઠંડી છવાયેલી રહે તેવી શક્યતા છે.
આજે કચ્છના શહેરોનું તાપમાન 2 ડિગ્રી જેટલું નીચે આવ્યું છે. તો ભૂજ અને નલિયાના તાપમાનમાં 1 ડિગ્રીનો જ તફાવત જોવા મળ્યો છે. કચ્છના આજના તાપમાન પર નજર કરીએ તો નલિયા 6 ડિગ્રી, ભૂજ 7.2 ડિગ્રી તથા કંડલા(એ) 9 ડિગ્રી છે.
