ગુરુવાર, 28 માર્ચ 2024
  1. ગુજરાતી ન્યુઝ
  2. ગુજરાત સમાચાર
  3. સ્થાનિક ગુજરાતી ન્યુઝ
Written By
Last Modified: અમદાવાદ , શનિવાર, 25 માર્ચ 2023 (19:41 IST)

રાહુલ ગાંધીના સમર્થનમાં યુથ કોંગ્રેસનું વિરોધ પ્રદર્શન, બસો રોકી, ટાયરો સળગાવ્યા

youth congress
કોંગ્રેસના કાર્યકર્તાઓએ બસ પણ ચડી અને રોડ પર બેસીને વિરોધ નોંધાવ્યો
 
 
રાહુલ ગાંધી હવે સાંસદમાંથી પૂર્વ સાંસદ થઈ ગયાં છે. માનહાની કેસમાં સુરતની કોર્ટે દોષિત ઠેરવીને બે વર્ષની સજા ફટકાર્યા બાદ લોકસભા સચિવાલયે તેમની સાંસદ તરીકેની સદસ્યતા પણ રદ કરી નાંખી છે. ત્યારે રાહુલ ગાંધીના સમર્થનમાં યુથ કોંગ્રેસ દ્વારા ગુજરાતમાં વિરોધ પ્રદર્શન કરવામાં આવ્યું હતું
youth congress
મેમ્કો ચાર રસ્તા પાસે દેખાવો કરવામાં આવ્યા
અમદાવાદ, સુરત, જૂનાગઢ, સોમનાથ સહિતના વિસ્તારોમાં કોંગ્રેસ દ્વારા વિરોધ કરાયો છે. ક્યાંક પૂતળા દહન તો ક્યાંક ટાયરો સળગાવીને વિરોધ પ્રદર્શન કરાયું છે. અમદાવાદમાં યુથ કોગ્રેસ દ્વારા મેમ્કો ચાર રસ્તા પાસે દેખાવો કરવામાં આવ્યા હતાં.યુથ કોંગ્રેસના સભ્યો દ્વારા મેક્મો ચાર રસ્તા પર ભાજપ સરકાર વિરુદ્ધ સૂત્રોચાર કરીને કાર્યકર્તાઓએ વિરોધ નોંધાવ્યો હતો.મેમ્કો ચાર રસ્તા પાસે બસ રોકવામાં આવી અને ટ્રાફિક જામ કરીને રાહુલ ગાંધીની સદસ્યતા રદ પર વિરોધ પ્રદર્શન કરવામાં આવ્યો છે. 
youth congress
બસ પણ ચડી અને રોડ પર બેસીને વિરોધ
કોંગ્રેસના કાર્યકર્તાઓ બસ પણ ચડી અને રોડ પર બેસીને વિરોધ નોંધાવવા સાથે રસ્તા ઉપર ટાયરો સળગાવ્યા હતા.ભરચક રોડ પર ટ્રાફિક જામ વચ્ચે પોલીસની ગાડીને પણ રોકીને તેની આગળ કાર્યકર્તાઓ બેસી ગયા. બાદમાં વિરોધ વધતા પોલીસ દ્વારા અટકાયત કરતા કાર્યકર્તા પોલીસની વાન પર ચડી ગયા. યુથ કોંગ્રેસના કાર્યકર્તાઓનો વિરોધ વધતા નેતાઓની અટકાયત કરીને પોલીસ સ્ટેશન લઈ જવાયા.