સંબંધિત સમાચાર
- હાર બાદ લિયોનેલ મેસ્સી રડી પડ્યો, વાયરલ વીડિયોએ લાખો ચાહકોને ભાવુક કર્યા
- FIFA વર્લ્ડ કપ ફાઈનલમાં હાર્યા બાદ તૂટ્યા લીયોનેલ મેસ્સી, ધ્રુસકે ધ્રુસકે રડવાનો વિડીયો વાયરલ
- સ્પેને 16 વર્ષ પછી જીત્યો ફિફા વર્લ્ડ કપનો ખિતાબ, ફેરન ટોરેસના ગોલથી આર્જેન્ટિનાનું સ્વપ્ન ચકનાચૂર થઈ ગયુ
- લિયોનેલ મેસ્સી નંબર-1 ખેલાડી બન્યો, છતાં ગોલ્ડન બૂટ જીતવામાં રહ્યો નિષ્ફળ; આ ખેલાડીએ આપી કડક ટક્કર
- ક્રિસ્ટિયાનો રોનાલ્ડોએ ચોંકાવનારી જાહેરાત કરી, FIFA વર્લ્ડ કપ 2026 પછી નિવૃત્તિ લેશે?
ફિફા વર્લ્ડ કપ ચેમ્પિયન સ્પેનને મળ્યા 481 કરોડ રૂપિયા, આર્જેન્ટિના હારવા છતાં થયું માલામાલ
19 જુલાઈના રોજ, રોડ્રીની કેપ્ટનશીપ હેઠળ, સ્પેને ફિફા વર્લ્ડ કપ 2026 જીતીને ઇતિહાસ રચ્યો. સ્પેને ફાઇનલમાં આર્જેન્ટિનાને 1-0 થી હરાવ્યું. બંને ટીમો વચ્ચેનો મુકાબલો એટલો તીવ્ર હતો કે નિર્ધારિત સમયમાં કોઈ ગોલ થયો નહીં, અને મેચ વધારાના સમયમાં ગઈ, જ્યાં સ્પેનિશ ખેલાડી ફેરન ટોરેસે વિજયી ગોલ કર્યો. સ્પેનની ઐતિહાસિક જીતની તેજસ્વીતા ફક્ત ટ્રોફી જીતવા સુધી મર્યાદિત ન હતી; ચેમ્પિયન બન્યા પછી, સ્પેનિશ ટીમે ફિફા વર્લ્ડ કપ ઇતિહાસમાં સૌથી મોટી ઇનામી રકમ પણ જીતી.
સ્પેનને મળી સૌથી મોટી ઇનામી રકમ FIFA એ વર્લ્ડ કપ વિજેતા સ્પેનની ટીમને 50 મિલિયન ડોલર(આશરે રૂ. 481 કરોડ) ની જંગી ઇનામી રકમ આપી છે. આ FIFA વર્લ્ડ કપના ઇતિહાસમાં કોઈપણ વિજેતા ટીમને મળેલી સૌથી મોટી રકમ છે. 2022માં આર્જેન્ટિના જ્યારે ચેમ્પિયન બન્યું હતું ત્યારે તેને 42 મિલિયન ડોલર મળ્યા હતા, એટલે કે આ વખતે વિજેતા ટીમના ઇનામમાં 8 મિલિયન ડોલર (આશરે રૂ.66 કરોડ) નો વધારો થયો છે.
આર્જેન્ટિના અને અન્ય ટીમોની કમાણી ફાઇનલમાં હારવા છતાં ઉપવિજેતા આર્જેન્ટિનાની ટીમને 33 મિલિયન ડોલર (આશરે ₹318 કરોડ) મળ્યા છે, જે ગયા વખત કરતાં 3 મિલિયન ડોલર વધુ છે. આ સિવાય ટુર્નામેન્ટમાં ત્રીજું સ્થાન મેળવનાર ઇંગ્લેન્ડને 29 મિલિયન ડોલર (આશરે રૂ.279 કરોડ) અને ચોથા સ્થાને રહેલા ફ્રાન્સને 27 મિલિયન ડોલર (આશરે રૂ.260 કરોડ) ની ઇનામી રકમ મળી છે.
દરેક સ્ટેજ પર ટીમો પર થયો પૈસાનો વરસાદ આ વખતે 48 ટીમો રમી હોવાથી FIFA એ ઇનામનું બજેટ ઘણું વધાર્યું હતું. ક્વાર્ટર ફાઇનલમાં પહોંચેલી દરેક ટીમને 19 મિલિયન ડોલર (આશરે રૂ.183 કરોડ) મળ્યા. રાઉન્ડ ઓફ 16 માંથી બહાર થયેલી ટીમોને 15 મિલિયન ડોલર (આશરે રૂ.144 કરોડ), રાઉન્ડ ઓફ 32 માં હારેલી ટીમોને 11 મિલિયન ડોલર (આશરે રૂ.106 કરોડ) અને ગ્રુપ સ્ટેજમાંથી જ બહાર થઈ ગયેલી ટીમોને પણ 9 મિલિયન ડોલર (આશરે રૂ.87 કરોડ) મળ્યા છે.
FIFA નું કુલ બજેટ અને વહેંચણી FIFA એ 2026 ના વર્લ્ડ કપ માટે કુલ 871 મિલિયન ડોલર (આશરે રૂ.8386 કરોડ) નું બજેટ રાખ્યું હતું, જે ગયા વર્લ્ડ કપ કરતાં 431 મિલિયન ડોલર વધારે છે. આ કુલ બજેટમાંથી 655 મિલિયન ડોલર ટીમોને તેમના પ્રદર્શનના આધારે આપવામાં આવ્યા હતા, જ્યારે બાકીની રકમ ટીમોને ટુર્નામેન્ટ માટે ક્વોલિફાય થવા અને તેની તૈયારીઓના ખર્ચ પેટે ચૂકવવામાં આવી હતી.
