અમરનાથ યાત્રાનો 12 વર્ષનો રેકોર્ડ તોડ્યો, 4.45 લાખ શ્રદ્ધાળુઓએ મુલાકાત લીધી
દક્ષિણ કાશ્મીરના અમરનાથ ગુફા મંદિરમાં શનિવારે 7,500 થી વધુ યાત્રાળુઓએ કુદરતી રીતે બનેલા બરફના શિવલિંગની મુલાકાત લીધી હતી, જેનાથી આ દુર્ગમ પવિત્ર સ્થળની મુલાકાત લેનારા ભક્તોની સંખ્યા 4.5 લાખ થઈ ગઈ હતી.
અધિકારીઓએ જણાવ્યું કે, 'વાર્ષિક યાત્રાના 29મા દિવસે શનિવારે 7,541 શ્રદ્ધાળુઓએ બાબા ભોલેનાથના દર્શન કર્યા હતા.'
તેમણે કહ્યું કે 3,880 મીટર ઉંચી પવિત્ર ગુફા મંદિરની મુલાકાત લેનારા શ્રદ્ધાળુઓની સંખ્યા 4,51,881 પર પહોંચી ગઈ છે. અધિકારીઓના જણાવ્યા અનુસાર, આ વર્ષની યાત્રામાં બે મૃત્યુ થયા છે, જેમાં એક હરિયાણાના સેવાદાર અને બીજા ઝારખંડના તીર્થયાત્રી છે. જૂનમાં બાલતાલ રોડ પર બંનેનું હાર્ટ એટેકથી મૃત્યુ થયું હતું. અમરનાથની 52 દિવસની યાત્રા 19 ઓગસ્ટના રોજ પૂર્ણ થશે. ગયા વર્ષે લગભગ 4.59 લાખ શ્રદ્ધાળુઓએ ગુફા મંદિરની મુલાકાત લીધી હતી.
