શુક્રવાર, 19 જુલાઈ 2024
  1. મનોરંજન
  2. બોલીવુડ સમાચાર
  3. સમાચાર/ગપસપ
Written By
Last Modified: બુધવાર, 13 ડિસેમ્બર 2023 (12:19 IST)

ગળાના કેંસરે સિંધમ ફેમ એક્ટરનો લીધો જીવ, લાંબી બીમારીથી બગડી ગઈ હતી હાલત

Ravindra Berde
Ravindra Berde
ફિલ્મ ઈન્ડસ્ટ્રીમાંથી ફરી એકવાર એક દુઃખદ સમાચાર સામે આવ્યા છે. બી-ટાઉને ફરી એક વાર પોતાના ફેવરિટ સ્ટાર્સમાંથી એક ગુમાવ્યો છે. મરાઠી અને હિન્દી ફિલ્મોમાં અભિનય માટે જાણીતા રવિન્દ્ર બર્ડેએ દુનિયાને અલવિદા કહી દીધું. રવિન્દ્ર બર્ડે લાંબા સમયથી ગળાના કેન્સરથી પીડિત હતા. રવિન્દ્રએ 78 વર્ષની વયે આ દુનિયા છોડી દીધી. કેન્સરથી પીડિત રવિન્દ્ર ટાટા મેમોરિયલ હોસ્પિટલમાં દાખલ હતા, તેમની સારવાર લાંબા સમયથી ચાલી રહી હતી.
 
રવિન્દ્ર બેર્ડેનુ નિધન 
મરાઠી અને હિન્દી પ્રેમીઓના દિલોમાં ખાસ થાન બનાવનારા અભિનેતા રવિન્દ્ર બેર્ડેના નિધનથી ફિલ્મ ઈંડસ્ટ્રીને મોટો ફટકો પડ્યો છે. રવિન્દ્રની હાલત એટલી ખરાબ હતી કે તેમને શ્વાસ લેવામાં પણ તકલીફ પડી રહી હતી અને બે દિવસ પહેલા જ તેમને હોસ્પિટલમાંથી ઘરે લાવવામાં આવ્યા હતા. રવિન્દ્ર બેર્ડેને અચાનક હાર્ટ અટેક આવ્યો અને તેમનુ મોત થઈ ગયુ.  સોશિયલ મીડિયા પર તેમના ફેંસ તેમને શ્રદ્ધાંજલિ આપી રહ્યા છે.  
 
રવિન્દ્ર બર્ડેનું વ્યાવસાયિક જીવન
રવિન્દ્ર બર્ડે સ્વર્ગસ્થ અભિનેતા લક્ષ્મીકાંત બર્ડેના ભાઈ હતા. બંનેએ સાથે ઘણી હિટ ફિલ્મો કરી હતી. રવિન્દ્ર બર્ડેએ તેમની સમગ્ર કારકિર્દી દરમિયાન 300 થી વધુ મરાઠી ફિલ્મોમાં કામ કર્યું છે. તેણે અશોક સરાફ, મહેશ કોઠારે, વિજુ ખોટે, સુધીર જોશી અને વિજય ચવ્હાણ જેવા ઘણા કલાકારો સાથે કામ કર્યું છે. તેમણે તાજેતરમાં જ ભરત જાધવ અને સિદ્ધાર્થ જાધવ સાથે મળીને ફિલ્મ બનાવી હતી. ફિલ્મ પચાદલેલા માં તેમના અભિનયને કારણે રવિન્દ્ર બેર્ડેને ઈંડસ્ટ્રીમાં ઘણી પ્રશંસા મળી. તેમના નિધનથી ઈંડસ્ટ્રીને ઉંડુ દુખ થયુ છે. 
 
રવિન્દ્ર બેર્ડે વિશે 
1995માં પોતાના એક નાટક દરમિયાન રવિન્દ્ર બેર્ડેને હાર્ટ એટેક આવ્યો હતો. જ્યારબાદ 2011માં તેમને કેંસર હોવાની જાણ થઈ.  તેમને કેંસરને પોતાના પર હાવી ન થવા દીધુ. રવિન્દ્ર બેર્ડેના પરિવારમાં તેમની પત્ની, બે બાળકો અને પૌત્ર-પૌત્રીઓ છે.