સંબંધિત સમાચાર
- બાબર આઝમની કપ્તાની સંકટમાં, શાહિદ આફરીદીના નિવેદને ઉભી કરી બબાલ
- બાબર આઝમ પર આવી મુસીબત, સોશિયલ મિડીયા પર લીક થયા પાકિસ્તાની ક્રિકેટરનાં પ્રાઈવેટ Video અને Photos
- IND vs PAK : પાકિસ્તાનના કૅપ્ટન બાબર આઝમનો વીડિયો કેમ વાઇરલ થઈ રહ્યો છે?
- Babar Azam Breaks Virat Kohli Record: બાબર આઝમે તોડ્યો વિરાટ કોહલીનો રેકોર્ડ, માત્ર 13 દાવમાં બનાવી નાખ્યા આટલા રન
- IPL 2023 માં કોણ લેશે જસપ્રીત બુમરાહનુ સ્થાન ? આ ત્રણ બોલર છે સૌથી મોટા દાવેદાર
Video - વિરાટ કોહલી બાકી છે", હરિસ રઉફે બાબર આઝમને કેમ કહી આ વાત ?
પીએસએલની આઠમી સિઝન રમાઈ રહી છે. આ દરમિયાન પાકિસ્તાનના ફાસ્ટ બોલર હરિસ રઉફે એવી વાત કહી છે કે તે સ્પષ્ટ છે કે તે હજુ પણ ટી20 વર્લ્ડ કપમાં વિરાટ કોહલીની તે બે છગ્ગાથી ત્રાસી રહ્યો છે, જેના કારણે પાકિસ્તાનને હારનો સામનો કરવો પડ્યો હતો. હરિસ રઉફ આ વર્ષે રમાઈ રહેલી PSLમાં લાહોર કલંદરની ટીમ તરફથી રમી રહ્યો છે. PSLમાં રવિવારે લાહોર કલંદર અને પેશાવર ઝાલ્મી વચ્ચે મેચ રમાઈ હતી. આ હાઈવોલ્ટેજ મેચમાં હારીસ રઉફ બાબર આઝમની વિકેટ લઈ શક્યો નહોતો. આ મેચ બાદ બંને ખેલાડીઓ વચ્ચેની વાતચીતનો એક વીડિયો સોશિયલ મીડિયા પર વાયરલ થઈ રહ્યો છે.
Interesting Conversation between Babar Azam & Haris Rauf #sochnabemanahai #HBLPSL8 #QalandarHum #QalandarsCity #LQvPZ pic.twitter.com/qRpPUtz04J
— Lahore Qalandars (@lahoreqalandars) February 26, 2023
બે ખેલાડીઓ વચ્ચે શું થયું
ઉલ્લેખનીય છે કે રવિવારે મેચ પુરી થયા બાદ બાબર આઝમ અને હરિસ રઉફ એકબીજા સાથે વાત કરી રહ્યા હતા. હરિસ રઉફે બાબરને પંજાબીમાં કહ્યું કે માત્ર તું અને વિરાટ કોહલી જ બાકી છે જેમને હું આઉટ કરી શક્યો નથી. આ પછી બાબર આઝમે તેને કહ્યું કે તમે મને પ્રેક્ટિસ સેશન દરમિયાન આઉટ કરી દીધો હતો તો તમે તેને કેમ એડ નથી કરતા. જેના પર હારીસ રઉફે જવાબ આપ્યો કે મને મેચમાં તમારી વિકેટ જોઈએ છે.
હારીસ રઉફના આ શબ્દો પરથી એવું લાગે છે કે વિરાટ કોહલીની વિકેટ લેવી તેના માટે એક સ્વપ્ન સમાન બની ગયું છે અને જો આમ હોય તો પણ વિરાટ કોહલી જેવા ખેલાડીઓની વિકેટ લેવી એ સારા બોલરોનું સપનું હોય છે. ગયા વર્ષે રમાયેલા ટી-20 વર્લ્ડ કપમાં વિરાટ કોહલીએ હરિસ રૌફની ઓવરના છેલ્લા બે બોલમાં સતત બે સિક્સર ફટકારીને મેચને પલટી નાખી હતી. વિરાટ કોહલીની તે બે છગ્ગા હજુ પણ હરિસ રઉફને ત્રાસ આપી રહી છે. વિરાટ કોહલીએ આ મેચમાં 53 બોલમાં 82 રનની અણનમ ઇનિંગ રમી હતી. વિરાટ કોહલીને તેની ઇનિંગ માટે પ્લેયર ઓફ ધ મેચ પણ જાહેર કરવામાં આવ્યો હતો.
આખા પાકિસ્તાનમાં આ બે સિક્સરની ચર્ચા
હરિસ રઉફ સામે વિરાટ કોહલીએ ફટકારેલી એ બે સિક્સર વિશે પાકિસ્તાનમાં આજે પણ ચર્ચા થાય છે. થોડા દિવસો પહેલા એક ટીવી શો દરમિયાન હરિસ રઉફે આ બે સિક્સર વિશે વાત કરી હતી. વર્લ્ડ કપને છ મહિનાથી વધુ સમય થઈ ગયો છે, પરંતુ આજે પણ તે બે સિક્સર પાકિસ્તાનને સતાવી રહી છે. ભારત અને પાકિસ્તાન વચ્ચે હવે આગામી મેચ એશિયા કપ દરમિયાન જ રમાશે. આ મેચમાં હરિસ રઉફ અને વિરાટ કોહલી વચ્ચેની લડાઈ જોવી રસપ્રદ રહેશે.
