Multibagger Stock : 3 વર્ષમાં એક લાખના બનાવી દીધા રૂ. 36 લાખ, 5 વર્ષમાં 85 લાખ રૂપિયા, આ શેર છે કુબેરનો ખજાનો
Transformers and Rectifiers share return
શેર બજારમાં કેટલાક સ્ટોક્સ એવા પણ છે જેમને પોતાની ચાલથી સૌને ચોંકાવી દીધા છે. ટ્રાંસફોર્મર્સ એંડ રેક્ટિફાયર્સ લિમિટેડ(TARIL) ન આ શેર પણ છપ્પરફાડ રિટર્ન આપનારા શેરોમાં સામેલ છે. આ મલ્ટીબેગર સ્ટોકે રોકાણકારોને પાંચ વર્ષમાં 11૦૦૦ ટકાથી વધુ અને ત્રણ વર્ષમાં 38૦૦ ટકાથી વધુ વળતર આપ્યું છે. ગયા ટ્રેડિંગ સત્રમાં એટલે કે શુક્રવારે, TARIL સ્ટોક પણ પાંચ ટકા વધીને રૂ. 449.85 થયો હતો. કંપનીને જિંદાલ એનર્જી બોત્સ્વાના તરફથી ઓર્ડર મળ્યાના સમાચાર પછી શેરમાં તીવ્ર ઉછાળો આવ્યો હતો.
જિંદાલ એનર્જી તરફથી ટ્રાન્સફોર્મર્સ અને રેક્ટિફાયર્સને મળેલા આ ઓર્ડરનું મૂલ્ય US $ 16,645,724 છે. આ ઓર્ડરમાં વિવિધ પ્રકારના 12 ટ્રાન્સફોર્મર્સનો સમાવેશ થાય છે. કંપની ઉત્પાદન અને સંબંધિત કામ કરશે. આ ઓર્ડર આગામી નાણાકીય વર્ષમાં પૂર્ણ થવાનો છે. 31 માર્ચ, 2025 સુધીમાં, કંપનીની કુલ ઓર્ડર બુક રૂ.5132 કરોડ હતી.
છેલ્લા બે અઠવાડિયામાં, આ TARIL શેરની કિંમત ૫ ટકા વધી છે. વર્ષ ૨૦૨૫માં અત્યાર સુધીમાં તેમાં ૧૮ ટકાનો ઘટાડો થયો છે. જ્યારે છેલ્લા 3 મહિનામાં તેમાં 11 ટકાનો વધારો થયો છે. છેલ્લા એક વર્ષમાં તેની કિંમત 28 ટકા મજબૂત થઈ છે. છેલ્લા 2 વર્ષમાં, આ શેરે રોકાણકારોને 1023 ટકા, 3 વર્ષમાં 3811 ટકા અને 5 વર્ષમાં 11018 ટકાનું મલ્ટિબેગર વળતર આપ્યું છે. શેરનો 52 અઠવાડિયાનો ઉચ્ચતમ સ્તર 650.23 રૂપિયા છે અને નીચો સ્તર 299 રૂપિયા છે.
પાંચ વર્ષમાં એક લાખ રૂપિયા 85 લાખ રૂપિયા થયો
ટ્રાન્સફોર્મર્સ એન્ડ રેક્ટિફાયર લિમિટેડના શેરનો ભાવ પાંચ વર્ષ પહેલા 5.78 રૂપિયા હતો, જે આજે વધીને 492.55 રૂપિયા થઈ ગયો છે. જો કોઈ રોકાણકારે પાંચ વર્ષ પહેલા આ મલ્ટિબેગર શેરમાં એક લાખ રૂપિયાનું રોકાણ કર્યું હોય અને હજુ પણ રોકાણ કરે છે, તો આજે તેના રોકાણનું મૂલ્ય 85 લાખ રૂપિયા થઈ ગયું છે. તેવી જ રીતે, ત્રણ વર્ષ પહેલા આ શેરમાં રોકાણ કરાયેલ એક લાખ રૂપિયા હવે 36 લાખ રૂપિયા થઈ ગયા છે.
ચોથી ત્રિમાસિકમાં વધ્યો રેવન્યુ
નાણાકીય વર્ષ 2025ની ચોથી ત્રિમાસિકમાં કંપનીનો રેવેન્યુ વાર્ષિક આધાર પર 32% થી વધીને 676.5 કરોડ રૂપિયા, EBITDA 90% ઉછાળા સાથે 138.2 કરોડ રૂપિયા, EBITDA માર્જિન 14.19% થી વધીને 20.22%, નેટ પ્રોફિટ 125% ગ્રોથ સાથે 94.17 કરોડ રૂપિયા અને પ્રોફિટ માર્જિન 8.16% से વધીને13.78% રહ્યો. નાણાકીય વર્ષ 2025 માં વાર્ષિક આધાર પર રેવેન્યુમાં 56%, EBITDA માં 157%, નેટ પ્રોફિટમાં 357% નો ગ્રોથ નોંધાયો છે.
