195 મુસાફરોને લઈ જતી ફ્લાઈટમાંથી ધુમાડાના ગોટેગોટા, લંડન જઈ રહેલા વિમાને ઈમરજન્સી લેન્ડિંગ કરાવ્યું
emergency landing of the plane- પોર્ટુગલથી લંડન જઈ રહેલી ઈન્ટરનેશનલ ફ્લાઈટમાં ત્યારે હંગામો મચી ગયો જ્યારે વિમાનમાંથી અચાનક ધુમાડો નીકળવા લાગ્યો. મુસાફરો ડરી ગયા અને ચીસો પાડવા લાગ્યા. આ સ્થિતિ જોઈને પાઈલટે તરત જ એર ટ્રાફિક કંટ્રોલનો સંપર્ક કર્યો અને ઈમરજન્સી લેન્ડિંગની પરવાનગી માંગી. ATC તરફથી પરવાનગી મળતાની સાથે જ ફ્લાઇટને પોર્ટુગલના પોર્ટો એરપોર્ટ તરફ વાળવામાં આવી હતી, જ્યાં એરક્રાફ્ટનું સુરક્ષિત ઈમરજન્સી લેન્ડિંગ કરવામાં આવ્યું હતું. આ પછી તમામ મુસાફરોને સુરક્ષિત બહાર કાઢવામાં આવ્યા હતા અને મોટી દુર્ઘટના ટળી હતી.
195 મુસાફરોના જીવ બચ્યા
આ ફ્લાઈટમાં ક્રૂ મેમ્બર સહિત કુલ 195 લોકો સવાર હતા. આ ફ્લાઈટ લિસ્બનથી લંડનના હીથ્રો એરપોર્ટ જઈ રહી હતી. પ્લેન લેન્ડ થતાંની સાથે જ એમ્બ્યુલન્સ, ફાયર બ્રિગેડ અને પોલીસની ટીમો પહેલાથી જ રનવે પર હાજર હતી.
