શુક્રવાર, 29 માર્ચ 2024
  1. ગુજરાતી ન્યુઝ
  2. ક્રિકેટ
  3. આઈપીએલ 2023
Written By હેતલ કર્નલ|
Last Updated : શુક્રવાર, 31 માર્ચ 2023 (13:17 IST)

Gujarat Titans ના કેપ્ટન છે દિલફેંક...મોડલથી માંડીને અનેક અભિનેત્રીઓના સાથે જોડાઇ ચૂક્યુ છે નામ

hardik pandya
ભારતીય ક્રિકેટ ટીમના અનુભવી ઓલરાઉન્ડર હાર્દિક પંડ્યાએ નતાશા સ્ટેનકોવિક સાથે બીજા લગ્ન કર્યા છે. હાર્દિક અને નતાશાને 3 વર્ષનો પુત્ર છે. બંનેએ લોકડાઉન પહેલા કોર્ટ મેરેજ કર્યા હતા. વેલેન્ટાઈન ડેના અવસર પર પંડ્યા અને સર્બિયન મોડલ નતાશાએ ઉદયપુરમાં ક્રિશ્ચિયન રીતિ-રિવાજથી લગ્ન કર્યા. પોતાની રમત સિવાય હાર્દિક તેની અંગત જિંદગીને લઈને પણ ચર્ચામાં રહે છે. નતાશા પહેલા હાર્દિક પંડ્યાનું નામ ઘણી યુવતીઓ સાથે જોડાઈ ચૂક્યું છે.
 
જમણા હાથના બેટ્સમેન હાર્દિક પંડ્યાનું નામ સૌથી પહેલા કોલકાતાની મોડલ લિશા શર્મા સાથે જોડાયું હતું. બંનેની સાથેની ઘણી તસવીરો સોશિયલ મીડિયા પર વાયરલ થઈ છે. બંનેએ આ સંબંધ વિશે ક્યારેય કંઈ કહ્યું નથી, પરંતુ મીડિયા રિપોર્ટ્સ અનુસાર બંને રિલેશનશિપમાં હતા. આ પછી હાર્દિક પંડ્યાનું નામ અભિનેત્રી ઈશા ગુપ્તા સાથે જોડાયું હતું. બંને લાંબા સમય સુધી એકબીજાને ડેટ પણ કરતા હતા. જ્યારે આ સમાચાર મીડિયામાં આવ્યા ત્યારે ઈશાએ સોશિયલ મીડિયા દ્વારા કહ્યું કે અમારી વચ્ચે જે કંઈ છે તે અમારી અંગત જિંદગી છે. સાથે જ તેણે કહ્યું હતું કે તેની અંગત જગ્યામાં આટલો રસ દાખવવાની જરૂર નથી. એવા સમાચાર હતા કે બંને જલ્દી લગ્ન કરવા જઈ રહ્યા છે પરંતુ આવું થઈ શક્યું નહીં.
hardik pandya
પરિણીતી ચોપરા સાથે જોડાયું હતું નામ
એક સમયે હાર્દિક પંડ્યાનું નામ બોલિવૂડ અભિનેત્રી પરિણીતી ચોપરા સાથે પણ જોડાયું હતું. બંને ઘણી જગ્યાએ સાથે જોવા મળ્યા હતા. સોશિયલ મીડિયા પર પણ બંને એકબીજાની પોસ્ટ પર પ્રતિક્રિયા આપતા જોવા મળ્યા હતા. આમ છતાં બંનેએ અફેરના સમાચારોને નકારી કાઢ્યા હતા. હાર્દિકનું નામ ભારતીય વિકેટકીપર રિષભ પંતની કથિત ગર્લફ્રેન્ડ ઉર્વશી રૌતેલા સાથે પણ જોડાયું હતું.
hardik pandya
ઉર્વશી રૌતેલા સાથે પાર્ટીમાં જોવા મળ્યો હતો હાર્દિક પંડ્યા
હાર્દિક પંડ્યા અને બોલીવુડ અભિનેત્રી ઉર્વશી રૌતેલા વર્ષ 2018માં ઘણી પાર્ટીઓમાં સાથે જોવા મળ્યા હતા. પરંતુ બંનેએ અફેરના સમાચારને નકારી કાઢ્યા હતા. પંડ્યાનું નામ ફરહાન અખ્તરની પત્ની શિબાની દાંડેકર સાથે પણ જોડવામાં આવ્યું હતું પરંતુ બંનેએ તેના પર કોઈ સત્તાવાર પ્રતિક્રિયા આપી ન હતી. એક સમયે હાર્દિક અને અભિનેત્રી એલી અવરામની ચર્ચાએ પણ ઘણી હેડલાઈન્સ બનાવી હતી. બંને ઘણી જાહેરાતોમાં સાથે જોવા મળ્યા હતા. ત્યારથી તેમના અફેરના સમાચારો ઉડવા લાગ્યા હતા.