સંબંધિત સમાચાર
- પેટ્રોલ-ડીઝલ બચાવવા ગુજરાત સરકારનો એક્શન મોડમાં, 'વર્ક ફ્રોમ હોમ' પર વિચારણા
- PM મોદીની અપીલ બાદ ગુજરાતમાં ઇંધણ બચત અભિયાન તેજ, CMથી લઈને રાજ્યપાલ સુધી સૌએ કરી પહેલ
- ગુજરાત વહીવટી તંત્રમાં મોટો ફેરફાર: 72 IAS અધિકારીઓની સાગમટે બદલી, જાણો કોને ક્યાં મળી જવાબદારી
- ગુજરાતીઓ સાવધાન! આગામી 3 દિવસ આકરી ગરમીની આગાહી, રાજ્યમાં યલો અને ઓરેન્જ એલર્ટ
- વહીવટી તંત્રમાં સપાટો: નબળી કામગીરી કરનારા કર્મચારીઓ વિરુદ્ધ સરકાર લેશે કડક પગલાં
આજથી અમૂલ દૂધ ખરીદવું પડશે વધુ મોંઘું, જાણો નવા દર
Amul દ્વારા દેશભરમાં દૂધના ભાવમાં વધારો કરવાની જાહેરાત કરવામાં આવી છે. આજથી અમલમાં આવેલા નવા દરોનો સીધો પ્રભાવ સામાન્ય ગ્રાહકોના ઘરખર્ચ પર પડશે. વધતી મોંઘવારી વચ્ચે દૂધ જેવી દૈનિક જરૂરિયાત મોંઘી બનતા લોકોમાં ચિંતા જોવા મળી રહી છે.
પ્રતિ લિટર 2 રૂપિયાનો વધારો લાગુ
કંપનીના નિર્ણય મુજબ દૂધના ભાવમાં પ્રતિ લિટર 2 રૂપિયાનો વધારો કરવામાં આવ્યો છે. ખાસ કરીને સૌથી વધુ વપરાતા ‘અમૂલ તાજા’ના ભાવમાં પણ વધારો નોંધાયો છે. પશુપાલકોને ચૂકવાતી કિંમત, ટ્રાન્સપોર્ટેશન અને પ્રોસેસિંગ ખર્ચમાં વધારા કારણે કંપનીએ આ નિર્ણય લીધો હોવાનું માનવામાં આવે છે.
નવા દર બાદ કેટલો થયો ભાવ?
નવી કિંમત પ્રમાણે હવે અમૂલ ગોલ્ડનો એક લિટર પેકેટ 70 રૂપિયામાં મળશે. ઉપરાંત અમૂલના ભેંસના દૂધના ભાવમાં પણ વધારો કરવામાં આવ્યો છે અને હવે તે પ્રતિ લિટર 57 રૂપિયામાં ઉપલબ્ધ રહેશે. નવા દરો આજ સવારથી જ ડેરી પાર્લર અને દૂધ વિક્રેતાઓ પાસે અમલમાં આવી ગયા છે.
સામાન્ય લોકોના બજેટ પર અસર
દૂધના વધેલા ભાવનો સીધો અસર ઘરગથ્થુ બજેટ પર પડશે. ચા, કોફી, મીઠાઈ અને દૂધથી બનતી અન્ય વસ્તુઓના ખર્ચમાં પણ વધારો થવાની શક્યતા છે. અગાઉ પણ અમૂલ દ્વારા સમયાંતરે ભાવ વધારો કરવામાં આવ્યો હતો, પરંતુ હાલના વધારાથી મધ્યમ વર્ગના લોકોમાં વધુ કચવાટ જોવા મળી રહ્યો છે.
