સંબંધિત સમાચાર
- વિશ્વ યોગ દિવસ નિમિત્તે રાજ્યભરમાં ઉજવણી, મુખ્યમંત્રી ભુપેન્દ્ર પટેલે માણસામાં કર્યો યોગાભ્યાસ
- સરકારની મફત Speech Processor સહાયથી કોકલીયર ઈમ્પ્લાન્ટ બાળકોના જીવનમાં ગુંજ્યો આશાનો અવાજ
- ગુજરાત AAP ના પ્રદેશ અધ્યક્ષ ઈસુદાન ગઢવીની ધરપકડ, કાર્યકર્તાના અરેસ્ટના વિરોધમાં પહોચ્યા હતા પોલીસ સ્ટેશન
- LPG સંકટ વચ્ચે ગુજરાતનો માસ્ટરસ્ટ્રોક: બનાસ ડેરીના પ્લાન્ટમાં રોજ બને છે 1800 KG બાયોગેસ; 15 રાજ્યો અપનાવશે આ મોડેલ
- Gujarat Uniform Civil Code - ગુજરાતમાં એક થી વધુ લગ્ન 7 વર્ષની જેલ, લિવ-ઈન રજિસ્ટ્રેશન અનિવાર્ય, જાણો UCC બિલની મહત્વની બાબતો
CM ભૂપેન્દ્ર પટેલની સાદગી: કોઈ પણ પૂર્વ સૂચના વિના આણંદના આંબાલી ગામમાં પહોંચ્યા, બાળકો અને ગ્રામજનો સાથે મુલાકાત
bhupendra patel ambali village
Bhupendra Patel Surprised: મુખ્યમંત્રી બન્યા પછી પણ નમ્ર વર્તન રાખનારા મુખ્યમંત્રી ભૂપેન્દ્ર પટેલે શુક્રવારે બધાને આશ્ચર્યચકિત કરી દીધા. વડોદરાથી ગાંધીનગર જતી વખતે તેઓ બાળકોને જોવા અને ગ્રામજનોને મળવા માટે રોકાયા. મુખ્યમંત્રીની અચાનક મુલાકાતથી ગ્રામજનો આશ્ચર્યચકિત થઈ ગયા.
CM ભૂપેન્દ્ર પટેલની સાદગી: કોઈ પણ પૂર્વ સૂચના વિના આણંદના આંબાલી ગામમાં પહોંચ્યા, બાળકો અને ગ્રામજનો સાથે મુલાકાત
ગુજરાતના મુખ્યમંત્રી ભૂપેન્દ્ર પટેલે શુક્રવારે એક અનોખી અને આશ્ચર્યજનક મુલાકાત લીધી હતી. વડોદરામાં એક કાર્યક્રમ પૂર્ણ કરીને ગાંધીનગર પરત ફરી રહેલા મુખ્યમંત્રીનો કાફલો આણંદ જિલ્લાના અંકલાવ તાલુકાના આંબાલી ગામ પાસેથી પસાર થઈ રહ્યો હતો. તે સમયે રસ્તા પર ઊભેલા શાળાના બાળકોને જોઈને મુખ્યમંત્રીએ કોઈ પણ પૂર્વ સૂચના વિના અચાનક પોતાનો કાફલો રોકાવી દીધો હતો અને ગામમાં પ્રવેશ કર્યો હતો.
બાળકો સાથે સંવાદ અને શિક્ષણ પર ભાર
મુખ્યમંત્રીને અચાનક પોતાની વચ્ચે જોઈને બાળકો અને ગ્રામજનો આશ્ચર્ય સાથે અત્યંત આનંદિત થઈ ગયા હતા. મુખ્યમંત્રી ભૂપેન્દ્ર પટેલે બાળકો સાથે વહાલપૂર્વક વાતચીત કરીને તેઓ કઈ શાળામાં અને શું ભણે છે તેની પૃચ્છા કરી હતી અને તેમને જીવનમાં આગળ વધવા પ્રોત્સાહિત કર્યા હતા. આ સાથે જ તેમણે વાલીઓને ખાસ વિનંતી કરી હતી કે તેઓ કોઈપણ સંજોગોમાં પોતાના બાળકોના શિક્ષણ સાથે ક્યારેય સમાધાન ન કરે.
બાયોગેસ પ્લાન્ટની મુલાકાત અને ગ્રામજનનો હર્ષ
મુલાકાત દરમિયાન મુખ્યમંત્રીનું ધ્યાન નજીકના એક ઘરમાં કાર્યરત બાયોગેસ પ્લાન્ટ તરફ ગયું હતું. તેમણે તાત્કાલિક પ્લાન્ટના માલિક વિઠ્ઠલભાઈ પરમાર પાસે જઈને પ્લાન્ટના ઉપયોગો, તેના ફાયદા અને સંચાલન વિશે વિગતવાર માહિતી મેળવી હતી. મુખ્યમંત્રીની આ સરળતા જોઈને વિઠ્ઠલભાઈએ ગર્વભેર જણાવ્યું હતું કે, તેમણે ક્યારેય સપનામાં પણ વિચાર્યું ન હતું કે રાજ્યના મુખ્યમંત્રી પોતે ગાડી રોકીને તેમની મુલાકાત લેશે.
સપ્ટેમ્બરમાં પાંચ વર્ષ પૂર્ણ અને સરળ નેતાની છાપ
ગુજરાતમાં 'નો રિપીટ થિયરી' અંતર્ગત મુખ્યમંત્રી બનેલા ભૂપેન્દ્ર પટેલ આગામી સપ્ટેમ્બર મહિનામાં પોતાના કાર્યકાળના પાંચ વર્ષ પૂર્ણ કરશે. પીએમ નરેન્દ્ર મોદી અને ભૂપેન્દ્ર પટેલના નેતૃત્વમાં ભાજપે છેલ્લી ચૂંટણીમાં ભવ્ય વિજય મેળવ્યો હતો. કોઈપણ વિવાદ વિના અત્યાર સુધી કાર્યરત રહેલા ભૂપેન્દ્ર પટેલે જનતા વચ્ચે એક સંવેદનશીલ, સરળ અને આધ્યાત્મિક મુખ્યમંત્રી તરીકેની મજબૂત પ્રતિષ્ઠા ઊભી કરી છે.
