સંબંધિત સમાચાર
- ગિરનાર અંબાજી મંદિરમાં કથિર નૉન-વેજ પાર્ટી, વીડિયો વાયરલ થયા બાદ 11 પુજારી અને સહાયકોને હટાવાયા
- ગુજરાત નગરપાલિકા ચૂંટણીનો ધમધમાટ: રાજ્ય ચૂંટણી આયોગ દ્વારા વિવિધ જિલ્લાઓમાં ચૂંટણી અધિકારીઓની નિમણૂક
- ગુજરાત સરકારનો મોટો નિર્ણય: સરકારી કર્મચારીઓના આશ્રિત ભાઈ-બહેનને પણ મળશે મફત તબીબી સારવારનો લાભ
- અમદાવાદમાં સુભાષ બ્રિજની કાયાપલટ: 1 એપ્રિલથી સાબરમતી નદી ખાલી કરાશે, અઢી મહિનામાં જૂનું સ્ટ્રક્ચર તોડી નખાશે
- અમદાવાદ અને સુરતને મળશે 34 નવી હાઈ-ટેક ટ્રેન, મુસાફરી બનશે સુપર ફાસ્ટ
15 મહાનગરપાલિકાઓ સહિત સ્થાનિક સ્વરાજની ચૂંટણી માટે રાજકીય પક્ષો સજ્જ, ટૂંક સમયમાં થશે એલાન
ગુજરાતમાં સ્થાનિક સ્વરાજ્યની સંસ્થાઓની આગામી ચૂંટણીઓને લઈને રાજકીય માહોલ ગરમાયો છે. રાજ્ય સરકાર અને ચૂંટણી પંચ દ્વારા જરૂરી વહીવટી પ્રક્રિયાઓ આગળ વધારવામાં આવી રહી છે, ત્યારે બીજી તરફ ભાજપ અને કોંગ્રેસ જેવા મુખ્ય રાજકીય પક્ષોએ પણ પોતપોતાની ચૂંટણીલક્ષી રણનીતિઓ ઘડવાની શરૂઆત કરી દીધી છે.
માહિતી મુજબ, વિધાનસભાનું વર્તમાન સત્ર પૂર્ણ થયા બાદ એટલે કે માર્ચ મહિનાના અંત સુધીમાં આ ચૂંટણીઓની સત્તાવાર તારીખો જાહેર થવાની પ્રબળ સંભાવના છે. આ વખતે રાજ્યની હયાત 6 મહાનગરપાલિકાઓની સાથે નવી જાહેર થયેલી 9 મહાનગરપાલિકાઓમાં પણ ચૂંટણી યોજાવવા જઈ રહી હોવાથી આ ચૂંટણીઓનું રાજકીય મહત્વ ખૂબ વધી ગયું છે.
મહાનગરપાલિકાઓ ઉપરાંત રાજ્યની 83 નગરપાલિકાઓ, 34 જિલ્લા પંચાયતો અને 262 તાલુકા પંચાયતો માટે પણ મતદાન પ્રક્રિયા હાથ ધરાશે. ખાસ બાબત એ છે કે, આ ચૂંટણીઓમાં 27 ટકા ઓબીસી (OBC) અનામત સાથે બેઠકોની ફાળવણી કરવામાં આવશે, જેને ધ્યાનમાં રાખીને રાજકીય પક્ષો પોતાના નવા સામાજિક સમીકરણો ગોઠવી રહ્યા છે.
ચૂંટણીની ઘડીઓ નજીક આવતા જ તમામ રાજકીય પક્ષોએ પોતાના સંગઠનોને વધુ મજબૂત કરવા, યોગ્ય ઉમેદવારોની પસંદગી પ્રક્રિયા શરૂ કરવા અને પ્રચારની કામગીરી તેજ કરી દીધી છે. રાજ્યના સમગ્ર રાજકીય પરિપ્રેક્ષ્યમાં સ્થાનિક સ્વરાજ્યની આ ચૂંટણીઓ અત્યંત મહત્વપૂર્ણ માનવામાં આવી રહી છે.
