દેશમાં ધીમે ધીમે કોરોનાના કેસ ઘટી રહ્યા છે. છેલ્લા 24 કલાકમાં સંક્રમિતમાંથી સાજા થનારા દર્દીઓની સંખ્યા સતત વધી રહી છે. આને ધ્યાનમાં રાખીને, ઘણા રાજ્યોએ શાળા ફરીથી ખોલવાનો નિર્ણય લીધો છે. આમાં મધ્યપ્રદેશ, પશ્ચિમ બંગાળ, હરિયાણા અને મહારાષ્ટ્ર જેવા રાજ્યોનો સમાવેશ થાય છે, જ્યારે દિલ્હીમાં શાળાઓ ખોલવાના નિર્ણય માટે આવતીકાલે ડીડીએમએની બેઠકની રાહ જોવી પડશે. આ બેઠકમાં રાજધાનીમાં શાળાઓ ખોલવામાં આવશે કે નહીં તે નક્કી કરવામાં આવશે. જુઓ અન્ય રાજ્યોની શું હાલત છે
સ્કૂલમાં બાળકોનું શૈક્ષણિક કાર્ય માટે આવવું અનિવાર્ય થશે કે પછી ઑનલાઇન ક્લાસ કરી શકશે, તેનો અંતિમ નિર્ણય હવે રાજ્ય સરકારોએ લેવાનો રહેશે. વિદ્યાર્થીઓ, શિક્ષકો તેમજ સ્કૂલના અન્ય સ્ટાફે કોવિડના પ્રોટોકોલનું પાલન કરવાનું રહેશે અને માસ્ક ફરજિયાતપણે પહેરવું પડશે.
ગુજરાતમાં 5 ફેબ્રુઆરે થશે અંતિમ નિર્ણય
ગુજરાતમાં કોર કમિટી 5 ફેબ્રુઆરીએ ફરીથી બેઠક કરશે અને ધોરણ 1 થી 9 ના વિદ્યાર્થીઓ માટે વ્યક્તિગત શાળાકીય શિક્ષણ અંગે નિર્ણય લેતા પહેલા પરિસ્થિતિની સમીક્ષા કરશે. ગુજરાતના શિક્ષણ મંત્રી અને રાજ્ય સરકારના પ્રવક્તા જીતુ વાઘાણીએ કહ્યું છે કે કોરોનાની આગામી પરિસ્થિતિને ધ્યાનમાં રાખીને સરકાર 5 ફેબ્રુઆરી સુધીમાં જ યોગ્ય નિર્ણય લેશે.
દિલ્હીમાં શાળાઓ ખોલવાની સંમતિ
દિલ્હી ડિઝાસ્ટર મેનેજમેન્ટ ઓથોરિટી (DDMA) ની આજની બેઠકમાં, શાળાઓ, કોલેજો, કોચિંગ સંસ્થાઓ અને જીમ ખોલવા માટે સંમતિ આપવામાં આવી છે. દિલ્હી ડિઝાસ્ટર મેનેજમેન્ટ ઓથોરિટીએ ઉચ્ચ શૈક્ષણિક સંસ્થાઓ, કોચિંગ સેન્ટરો અને શાળાઓને ફરીથી ખોલવાનો નિર્ણય લીધો છે.ડીડીએમએએ કહ્યું છે કે ઓફિસો સંપૂર્ણ ક્ષમતા સાથે ખુલશે, જીમ અને સ્પા પણ ખોલવામાં આવશે. ડીડીએમની બેઠકમાં નિર્ણય લેવામાં આવ્યો કે હાલમાં દિલ્હીમાં નાઇટ કર્ફ્યુ હટાવવામાં આવશે નહીં. જો કે કર્ફ્યુનો સમય બદલીને 10 વાગ્યાને બદલે 11 વાગ્યાનો કરવામાં આવ્યો છે.
પશ્ચિમ બંગાળમાં શાળાની ઘંટી વાગી
કોરોનાના ઘટતા કેસો વચ્ચે ગુરુવારથી પશ્ચિમ બંગાળમાં ધોરણ 8 થી 12 સુધીની શાળાઓ ખોલવામાં આવી છે. તે જ સમયે, ધોરણ 1 થી 7 ના વિદ્યાર્થીઓ પર હજુ સુધી નિર્ણય લેવામાં આવ્યો નથી. શાળા ખુલ્યા બાદ જ્યાં એક તરફ વિદ્યાર્થીઓ ઉત્સાહિત દેખાઈ રહ્યા હતા, તો બીજી તરફ કેમ્પસની અંદર પણ કોરોના નિયમોનું ધ્યાન રાખવામાં આવ્યું હતું
મધ્યપ્રદેશમાં 1 ફેબ્રુઆરીથી શાળાઓ ખોલવામાં આવી
મધ્યપ્રદેશના સીએમ શિવરાજ સિંહ ચૌહાણે કોરોનાના ઘટતા કેસો વચ્ચે 1 ફેબ્રુઆરીથી શાળાઓ ખોલવાની સૂચના આપી હતી. આદેશ મુજબ, 1લી ફેબ્રુઆરીથી 12 સુધીના તમામ વર્ગો 50% હાજરી સાથે ખુલ્યા છે. રેસિડેન્શિયલ સ્કૂલ અને હોસ્ટેલ પણ 50% હાજરી સાથે ખુલી છે.
મહારાષ્ટ્રના પુણેમાં ધોરણ 8 સુધીની શાળાઓ ખુલી
મહારાષ્ટ્રના પુણેમાં 1 ફેબ્રુઆરીથી ધોરણ 1 થી ધોરણ 8 સુધીની શાળાઓ ખોલવામાં આવી છે. જો કે, વર્ગો અડધા દિવસ તરીકે ચલાવવામાં આવશે. ધોરણ 9 અને 10 તેમના નિયમિત સમયપત્રક પર ચાલશે. મહારાષ્ટ્રના ડેપ્યુટી સીએમ અજિત પવારે પ્રેસ કોન્ફરન્સમાં આ જાણકારી આપી.
ઝારખંડમાં તમામ વર્ગો માટે શાળાઓ ખુલી
ઝારખંડ સરકારે 1 ફેબ્રુઆરીથી ધોરણ 1 થી ધોરણ 12 ના વિદ્યાર્થીઓ માટે શાળાઓ પણ ખોલી છે. જો કે, રાજ્યના 7 જિલ્લાઓમાં ધોરણ 9 થી ધોરણ 12 સુધીની શાળાઓ ખોલવામાં આવી છે જેમાં રાંચી, ઉત્તર સિંહભૂમિ, ચતરા, દેવઘર, સરાઈકેલા, સિમડેગા અને બોકારોનો સમાવેશ થાય છે.
તેલંગાણામાં કડક કોરોના નિયમો વચ્ચે શાળાઓ ખુલી
તેલંગાણા સરકારે પણ 1 ફેબ્રુઆરીથી તમામ શાળાઓ ખોલી છે. જોકે, શાળા સંચાલકોએ કોરોનાના કડક નિયમોનું પાલન કરવાનું રહેશે. જો કે, કેટલીક શાળાઓ એવી છે કે જેણે સવારે 8 થી 1 વાગ્યા સુધી ઓફલાઈન વર્ગો ચલાવવાનો નિર્ણય કર્યો છે.
રાજસ્થાનમાં પણ શાળાની ઘંટડી વાગી
રાજસ્થાન સરકારે કોરોનાના ઘટતા કેસો વચ્ચે 1 ફેબ્રુઆરીથી ધોરણ 10 અને 12મા ધોરણ માટે શાળાઓ ખોલી છે. 6ઠ્ઠા અને 8મા ધોરણના વિદ્યાર્થીઓ અંગે નિર્ણય 10 ફેબ્રુઆરી પછી લેવામાં આવશે. જોકે, વિદ્યાર્થીઓ પાસે ઓનલાઈન ક્લાસનો વિકલ્પ હશે.
હરિયાણામાં ધોરણ 10 થી 12 સુધી શાળાઓ ખોલવામાં આવી છે
હરિયાણા સરકારે રાજ્યમાં કોરોનાની ગતિ પર કાબૂ મેળવતા જ 1 ફેબ્રુઆરીથી ધોરણ 10, 11 અને 12ના વિદ્યાર્થીઓ માટે શાળાઓ પણ ખોલી છે. શાળા સંચાલકોને કોરોના માર્ગદર્શિકાનું ચુસ્તપણે પાલન કરવા સૂચના આપવામાં આવી છે.
