સંબંધિત સમાચાર
- ગુજરાત HC એ 13 વર્ષીય રેપ પીડિતાને આપી 33 સપ્તાહનો ગર્ભપાત કરવાની મંજુરી
- 13 મે નું રાશિફળ - આજે આ 4 રાશી પર રહેશે હનુમાનજીની કૃપા
- Bada Mangal 2025: પહેલા મોટા મંગળ પર, આ વિધિ અને નિયમ સાથે બજરંગબલીની પૂજા કરો
- Mithun Rashi Girl Names- મિથુન રાશિ ક, છ,ઘ પરથી જાણો છોકરીના નવા નામ
- ગુજરાતી જોક્સ - પ્રભુ, મને ઉપાડી લો
પહેલગામ હુમલાને લઈને સુરતનાં બીઝનેસમેને શેયર કર્યો 'વાંધાજનક' વીડિયો, થઈ ધરપકડ
ગુજરાત પોલીસે 22 એપ્રિલના રોજ કાશ્મીરના પહેલગામમાં થયેલા આતંકવાદી હુમલા અંગે સોશિયલ મીડિયા પર 'વાંધાજનક' વીડિયો શેર કરવા બદલ સુરતના એક ઉદ્યોગપતિની ધરપકડ કરી છે. ધરપકડ કરાયેલા આરોપીની ઓળખ 40 વર્ષીય દીપેન પરમાર તરીકે થઈ છે અને રવિવારે તેણે ફેસબુક પર વીડિયો પોસ્ટ કર્યા બાદ અમરોલી પોલીસ સ્ટેશનના કર્મચારીઓએ તેની ધરપકડ કરી હતી.
ફેસબુક પેજ 'જાગો ઇન્ડિયા' પર કર્યો હતો પોસ્ટ
એક પોલીસ અધિકારીએ જણાવ્યું હતું કે વીડિયો પોસ્ટમાં સંદેશ એ હતો કે "પહલગામ આતંકવાદી હુમલો પૂર્વયોજિત હતો અને આતંકવાદીઓના માસ્ટરમાઇન્ડ ભારતમાં રહે છે." અમરોલી પોલીસે એક નિવેદનમાં જણાવ્યું હતું કે પરમારે ફેસબુક પેજ 'જાગો ઈન્ડિયા' પર પોસ્ટ કરેલા તેના વીડિયો દ્વારા પાયાવિહોણા અને ભ્રામક સંદેશ ફેલાવવાનો પ્રયાસ કર્યો હતો. પોલીસે પરમાર વિરુદ્ધ ભારતીય દંડ સંહિતા (BNS) ની કલમ 197(1)(d) હેઠળ ખોટી અથવા ગેરમાર્ગે દોરતી માહિતી પ્રકાશિત કરવા બદલ FIR નોંધી હતી જે ભારતની સાર્વભૌમત્વ, એકતા અને અખંડિતતા અથવા સુરક્ષા માટે જોખમી છે
સોશિયલ મીડિયા પ્રવૃત્તિઓની થઈ રહી છે તપાસ
પોલીસે જણાવ્યું હતું કે પરમારની સોશિયલ મીડિયા પ્રવૃત્તિઓની તપાસ કરવામાં આવી રહી છે અને તે પણ તપાસવામાં આવી રહી છે કે શું તેનો કોઈ આતંકવાદી સંગઠન સાથે કોઈ સંબંધ છે. હાલમાં, આરોપીને ન્યાયિક કસ્ટડીમાં મોકલી દેવામાં આવ્યો છે અને કેસની તપાસ ચાલુ છે.
તમને જણાવી દઈએ કે 22 એપ્રિલે આતંકવાદીઓએ પહેલગામમાં બૈસરન પર હુમલો કર્યો હતો અને 26 લોકોની હત્યા કરી હતી, જેમાંથી મોટાભાગના પ્રવાસીઓ હતા. આ પછી, ભારતે પાઠ ભણાવવા માટે ઓપરેશન સિંદૂર શરૂ કર્યું. ભારતની જવાબી કાર્યવાહીમાં, પાકિસ્તાનના 9 આતંકવાદી ઠેકાણાઓનો નાશ કરવામાં આવ્યો.
