સંબંધિત સમાચાર
- ટુરિસ્ટ માટે ખુલ્યો જામનગરનો 174 વર્ષ જુનો ઐતિહાસિક ભુજીયા કોઠા, સાકાર થયો PM નરેન્દ્ર મોદીનો મંત્ર
- વંતારાના એક વર્ષ: સારવાર, પુનર્વસન અને વન્યજીવન સંરક્ષણમાં એક નવો દાખલો બેસાડવો
- જામનગર–દ્વારકામાં PGVCLની મેગા ડિસ્કનેક્શન ડ્રાઈવ: 10,632 જોડાણોમાં ₹8.08 કરોડથી વધુ બાકી
- મુકેશ અંબાણીની મોટી જાહેરાત: AI ડેટા જેટલું જ સસ્તું હશે, Jio ભારતને 'ઇન્ટેલિજન્સ યુગ' સાથે જોડશે
- જામનગર: "કામમાં મોડું નહીં ચાલે", મંત્રી રિવાબા જાડેજાનું કડક વલણ; કોન્ટ્રાક્ટર પાસેથી લીધું 1 વર્ષમાં રોડ પૂર્ણ કરવાનું વચન
જામનગરમાં ચૂંટણી દરમિયાન તણાવ, વોર્ડ નં. 15 અને લખતર ગામે કાર્યકરો વચ્ચે અથડામણ
ગુજરાત લોકશાહીના પર્વની ઉજવણી કરી રહ્યું છે ત્યારે જામનગરમાંથી અશાંતિના સમાચાર સામે આવ્યા છે. શહેરના બે અલગ-અલગ વિસ્તારોમાં મતદાન પ્રક્રિયા દરમિયાન ભાજપ અને કોંગ્રેસના કાર્યકરો વચ્ચે ઉગ્ર બોલાચાલી બાદ ઝપાઝપી સર્જાઈ હતી. ઘટનાને પગલે સ્થાનિક પોલીસ અને ચૂંટણી તંત્ર તાત્કાલિક દોડતું થયું હતું.
વોર્ડ નં. 15માં આઈડી કાર્ડ મુદ્દે વિવાદ
જામનગરના વોર્ડ નં. 15માં સૌથી વધુ તણાવ જોવા મળ્યો હતો. અહીં એક વ્યક્તિ ભાજપના ઉમેદવારનું ઓળખકાર્ડ લઈને મતદાન મથક આસપાસ ફરતો હોવાનો મુદ્દો સામે આવ્યો હતો. કોંગ્રેસના કાર્યકરોને આ અંગે શંકા જતાં વાતાવરણ ગરમાયું હતું. કોંગ્રેસના આક્ષેપ મુજબ, તે વ્યક્તિ અનધિકૃત રીતે મતદાન મથકમાં પ્રવેશવાનો પ્રયાસ કરી રહ્યો હતો. આ મુદ્દે બંને પક્ષના કાર્યકરો સામસામે આવી જતા પરિસ્થિતિ ઝપાઝપી સુધી પહોંચી ગઈ હતી.
લખતર ગામે પણ ઘર્ષણ
બીજી તરફ, જામનગરના લખતર ગામમાં પણ સમાન પરિસ્થિતિ સર્જાઈ હતી. અહીં નજીવી બાબતે ભાજપ અને કોંગ્રેસના કાર્યકરો વચ્ચે અથડામણ થઈ હતી. આ ઘટનાને કારણે મતદાન કરવા આવેલા લોકોમાં થોડીવાર માટે ગભરાટ ફેલાયો હતો. જોકે, સુરક્ષા જવાનો અને પોલીસની તાત્કાલિક કામગીરીથી મામલો કાબૂમાં લેવાયો હતો. હાલ બંને પક્ષો એકબીજા પર આક્ષેપ-પ્રતિઆક્ષેપ કરી રહ્યા છે, જેના કારણે વિસ્તારમાં રાજકીય તણાવ યથાવત્ રહ્યો છે.
