AAPના ગોપાલ ઈટાલિયાનો આક્ષેપ, કતારગામમાં ભાજપના દબાવમાં ધીમું વોટિંગ કરાઈ રહ્યું છે

પ્રદેશમાં સરેરાશ 3.5 ટકા મતદાન થયું પરંતુ કતારગામમાં માત્ર 1.41 ટકા જ મતદાન થઈ શક્યું

ગુજરાતમાં પ્રથમ તબક્કાની ચૂંટણીમાં 3 કલાકમાં 15 ટકા જેટલું મતદાન થયું છે. ત્યારે ધીમા મતદાનને લઈને આમ આદમી પાર્ટીના પ્રદેશ પ્રમુખ અને કતારગામ વિધાનસભા બેઠકના ઉમેદવાર ગોપાલ ઈટાલિયાએ ધીમા મતદાનને લઈને આક્ષેપ કર્યો છે. તેમણે કહ્યું કે પ્રથમ તબક્કાની તમામ બેઠકોનું સરેરાશ 3.5 ટકા મતદાન થયું છે. જ્યારે કતારગામ બેઠક પર માત્ર 1.41 ટકા જ મતદાન થયું છે. 

કતારગામ બેઠક પર માત્ર 1.41 ટકા જ મતદાન  કેમ?

તેમણે ભાજપ પર આક્ષેપ કરતાં કહ્યું કે, ભાજપના લોકોના દબાવમાં જ કામ કરવું હોય તો પછી ચૂંટણી જ કેમ યોજો છો. 89 બેઠકો પર 3.5 ટકા મતદાન થયું છે તો કતારગામ બેઠક પર માત્ર 1.41 ટકા જ કેમ. એક નાના બાળકને હેરાન કરવા માટે આટલી હદ ના વટાવો. 

कतारगाम AC मे जानबूझ कर वोटिंग स्लो कराया जा रहा है। @ECISVEEP इस तरीके से भाजपाई गुंडों के दबाव के ही काम करना है तो फिर चुनाव ही क्यो करवाते हो?

पुरे प्रदेश मे ओसत 3.5% मतदान हुआ है लेकिन कतारगाम मे सिर्फ 1.41 ही हो पाया है। एक छोटे से बच्चे को हराने के लिए इतना मत गीरो।

— Gopal Italia (@Gopal_Italia) December 1, 2022

 AAP ઉમેદવાર દિનેશ જોષી સાયકલ પર મતદાન કરવા પહોંચ્યા

રાજકોટમાં આમ આદમી પાર્ટીના ઉમેદવારે મતદાનની સાથે-સાથે અનોખી રીતે મોંઘવારીનો વિરોધ દર્શાવ્યો છે. રાજકોટની હાઈપ્રોફાઈલ ગણાતી પશ્ચિમ બેઠક પર આમ આદમી પાર્ટીના ઉમેદવાર દિનેશ જોષી સાયકલ પર મતદાન કરવા પહોંચ્યા હતા.  આ દરમિયાન તેઓ સાયકલની આગળ તેલનો ડબ્બો અને સાયકલની પાછળ ગેસનો બાટલો લઈને મતદાન કરવા પહોંચ્યા હતા.