Happy Birthday Ratan Tata: રતન ટાટાના જન્મદિવસ પર કેટલીક એવી વાતો, જેને અપનાવીને તમે ચઢી શકો છો સફળતાની સીડી
રતન ટાટા એક એવું નામ છે જેનાથી ભાગ્યે જ કોઈ ભારતીય અજાણ હશે. તેઓ માત્ર એક સફળ બિઝનેસમેન તરીકે જ નહીં પરંતુ એક સફળ વ્યક્તિ તરીકે પણ ઓળખાય છે. ભારતીય ઉદ્યોગપતિ, રોકાણકાર અને ટાટા સન્સના ભૂતપૂર્વ ચેરમેન રતન ટાટાને મોટા પરોપકારી તરીકે પણ ઓળખવામાં આવે છે. રતન ટાટાનો જન્મદિવસ આજે એટલે કે 28 ડિસેમ્બર 1937ના રોજ ઉજવવામાં આવી રહ્યો છે.
આજે તેઓ 84 વર્ષના થયા છે. પરંતુ આજે પણ તેમની ઉર્જાનાં ઉદાહરણો આપવામાં આવે છે. તેના વિચારોમાં એક અદ્ભુત આકર્ષણ છે જે સફળતાને ચૂમવા માટે મજબૂર કરી શકે છે. તો આજે અમે તમને તેમના કેટલાક પ્રેરણાદાયી વિચારોથી પરિચિત કરાવીએ છીએ જે તમારું જીવન પણ બદલી શકે છે.
રતન ટાટાને વર્ષ 2008માં પદ્મ વિભૂષણ અને વર્ષ 2000માં પદ્મ ભૂષણથી નવાજવામાં આવ્યા હતા. તેમની અધ્યક્ષતામાં ટાટા ગ્રૂપે ઉંચાઈઓને સ્પર્શી છે. તેમના નેતૃત્વ હેઠળ, ટાટા ગ્રૂપે આવકમાં 40 ગણી અને નફામાં 50 ગણી કરતાં વધુ વૃદ્ધિ નોંધાવી છે. તેમના સમય દરમિયાન ટાટા ટીએ ટેસ્લીને હસ્તગત કરી, ટાટા મોટર્સે જગુઆર લેન્ડ રોવર હસ્તગત કરી.
ટાટા સ્ટીલે વૈશ્વિક કારોબાર વધારવા માટે કોરસનું અધિગ્રહણ કર્યું. રતન ટાટા 1991 થી 2012 સુધી ટાટા જૂથના ચેરમેન હતા. રતન ટાટા નવલ ટાટાના પુત્ર છે જેમને તેમની દાદી નવજબાઈ ટાટાએ દત્તક લીધા હતા. રતન ટાટાના માતા-પિતા 1940ના દાયકામાં એકબીજાથી અલગ થઈ ગયા હતા.
રતન ટાટાના અદ્ભુત વિચારોમાં સફળતાનો મંત્ર
હું યોગ્ય નિર્ણય લેવામાં માનતો નથી. હું નિર્ણયો લઉં છું અને પછી તેને યોગ્ય બનાવું છું.
લોકો તમારા પર જે પત્થરો ફેંકે છે. સ્મારકો બનાવવા માટે તેનો ઉપયોગ કરો.
એવી ઘણી બધી વસ્તુઓ છે કે જો મને ફરીથી જીવવાની તક મળે તો હું કદાચ અલગ રીતે કરીશ, પરંતુ હું પાછળ જોવા માંગતો નથી કે હું શું કરી શક્યો નહી.
જો તમારે ઝડપથી ચાલવું હોય તો એકલા ચાલો, પણ જો તમારે દૂર ચાલવું હોય તો સાથે ચાલો.
જે વ્યક્તિ બીજાની નકલ કરે છે તે થોડા સમય માટે સફળ થઈ શકે છે. પરંતુ વ્યક્તિ જીવનમાં વધુ પ્રગતિ કરી શકતો નથી.
લોખંડને કોઇ નષ્ટ કરી શકતું નથી, તેનો પોતાનો કાટ જ તેને નષ્ટ કરે છે. આ પ્રકારે કોઇપણ વ્યક્તિને નષ્ટ કરી શકતું નથી, પરંતુ તેની પોતાની માનસિક કરી શકે છે.
જીવનમાં આગળ વધવા માટે ઉતાર-ચઢાવ જરૂરી છે, કારણ કે ECGમાં પણ સીધી રેખાનો અર્થ એ થાય છે કે આપણે જીવિત નથી.
