Tokyo Paralympics: ભાવિના પટેલનો પૈરા ટેબલ ટેનિસમાં કમાલ, બ્રાઝિલની ખેલાડીને હરાવીને ક્વાર્ટર ફાઈનલમાં પહોંચી
ભારતની ટેબલ ટેનિસ ખેલાડી ભાવિના પટેલે ટોક્યો પેરાલિમ્પિક્સમાં શાનદાર પ્રદર્શન કરીને મહિલા સ્પર્ધાની ક્વાર્ટર ફાઇનલમાં પ્રવેશ કર્યો હતો. તેણીએ ક્લાસ-4 રાઉન્ડમાં બ્રાઝિલની જોયસ ડી ઓલિવેરાને 3-0થી હરાવી હતી. ભાવિના આ મેચમાં બ્રાઝિલના ખેલાડી પર સતત ભારે પડી હતી. તેની આ જીત બાદ તેની પાસેથી મેડલ જીતવાની આશા વધી છે. આજે જ ભાવિના બપોર બાદ સેમિફાઇનલ સ્થાન બનાવવા માટે ઉતરશે.
